Тексты
Вернуться к списку | редактировать | удалить | Создать новый | История изменений | Статистика | ? Помощь
Yhekšäš piä
Yhekšäš piä
карельский: собственно карельское наречие
Новописьменный тверской
1 I
pagizi heilä : Aminʼ šanon teilä : on muuvennet šeizojista tiälä , kumbazet ei nähä šurmua , kuni nähäh Jumalan kuningahuon , viäššä tulluon .
2 I kuuven päivän piäh otti Iisus Perdin , i Juakovan , i Iivanan , i šuatto hiät yhet erisʼ korgiella goralla , i muuttuačih hiän ieššä :
3 I vuattiet Hänen räiskyttih i oldih ylen valgiet , kuin lumi , i mittyzie ei voi ilmauttaja ilmauttua muailmalla .
4 I ožuttuačettih heilä Ilʼlʼa da Moisei ; i paistih Šyndyruohtinan kera .
5 I Pedri šano Šyndyruohtinalla : Ravvi , hyvä meilä tiälä on olla ; i luajimma kolme majua : yhen Šiula , i Moise illa yhen , da Ilʼlʼalla yhen .
6 Ei hiän tiedän , midä paissa ; oldih pölläštynyöt .
7 I hiät katto pilvi , i kuulu pilveštä iäni : Tämä on Miun armaš Poiga , Händä kuunnelgua .
8 I kerralla kačahtahuo , nikedä enämbiä ei nähty , vain yhtä Šyndyruohtinua iččien kera .
9 Goralda lähtiessä , kieldi heidä nikellä ei mainita , midä hyö nähtih , vain konža Inehmizen Poiga kuoleista virguou .
10 I tädä paginua kuunneldih toine toizešta toimittuasʼsʼa , mi muone on : kuoleista noušša .
11 I kyžyttih Häneldä : Kuin kirjamiehet paissah , jotto iellä Ilʼlʼalla pidäy tulla ?
12 A Hiän vaštah šano heilä : Ilʼlʼa , tulduo ieldä päin , kaikki valmistau ; i kuin on kirjutettu Inehmizen Poigah näh , kuin Hiän äijän vaivuačisʼ i nimikse h paniečisʼ .
13 Mie teilä šanon , jo i Ilʼlʼa tuli , i luajittih hänellä , min tahottih , kuin on kirjutettu häneh näh .
14 I tulduo opaššettavien luo , nägi äijä rahvašta hiän ymbäri , i kirjamiehie kiistämäššä .
15 I kuin kaikki rahvaš nähtih Händä , pölläššyttih , i hypättyö kumarduačettih Hänellä .
16 I kyžy Hiän kirjamiehie : Midä työ hiän kera kiissättä ?
17 I yksi mieš rahvahašta šano Hänellä vaštah : Opaštaja , toin oman poijan Šiun luo , häneššä on lembo mykkä :
18 I konža vain missä händä rabuau , riehkiälöy händä , vuahta valuttau , kridžauttau omilla hambahilla , i unohtuačou . I pagizin Šiun opaššettavilla porottua händä , i ei voidu .
19 A Hiän vaštah šano hänellä : O vierotoin rodu , kuh šua Miula teisä olla ? Kuh šua kannattua teidä ?Tuogua händä Miun luo .
20 I tuodih hänen Hänen luo . I nähtyö Händä , kerralla riehkäi händä lembo , i langehuo mualla , vierettäliečih , valuttuasʼsʼa vuahta .
21 I kyžy hänen izäldä : Äijägo on vuotta šiidä šua , kuin tämä hänellä tuli ? I hiän šano : Pieneštä šua ;
22 I äijičči luokši händä tuleh i vezilöih , kuin händä hävittiä ; i kuin Šie min voinet , auta meilä , helläkši meidä vaš heittiäčehyö .
23 A Iisus šano hänellä : Kuin šie min voinet uškuo , kaikki voit uškojalla .
24 I šidä že kerdua mögähtähyö , brihačun izä kyynelissä šano : Uššon , Hospodi , auta miun ei-uššonnalla .
25 Nähtyö Iisus , jotto keräydyy rahvašta , kieldi lemmolla , šanuosʼsʼa hänellä : Mykkä i kuurnisʼ lembo , Mie šiula käššen , lähe häneštä i enämbiä elä mäne häneh .
26 I mögähtähyö Hiän i äijän telmiäčehyö , läksi häneštä ; i luadih brihačču kuin kuolie , äššen äijät paistih : Hiän kuoli .
27 Iisus , ottahuo hänen kiäštä , noššaldi hänen ; i nouži .
28 I kuin Hiän mäni taloh , Hänen opaššettavat kyžyttih Häneldä yheldäh : Mintäh myö emmä voinun händä porottua ?
29 I šano heilä : Tämä rodu nimillä ei voi lähtie , vain malitulla da pyhitännällä .
30 I šieldä lähtehyö , aššuttih läbi Galilejan ; i ei tahton , kuin ken tiijuštaisʼ .
31 Opašti omie opaššettavie , i pagizi heilä , jotto Inehmizen Poiga annettu lienöy inehmizien käzih i tapetah Hänen ; i tapettu kolmandena päivänä virguou .
32 A hyö ei maltettu paginua , i varattih Häneldä kyžyö .
33 I tuli Kapernaumah ; i talošša ollešša , kyžy heildä , midä matalla hyö keškenäh piettih mieleššä ?
34 A hyö iäneyvyttih ; toine toizen kera kiissettih matalla , ken heistä vanhiin .
35 I istuočehuo , kučču kakšitoistakymmendä i šano heilä : Ken tahtou olla vanhiin , ana on kaikkieh pieniin , i kaikkie kuunnelgah .
36 I ottahuo lapšuon , šeizatti hänen hiän keškeh , i händä kabuttuo , šano heilä :
37 Ken kuin ottanou yhen muozista lapšista Miun nimeh , Milma ottau ; a ken Milma ottau , ei Milma ota , a Miun työndäjiä .
38 I šano Hänellä vaštah Iivana : Opaštaja , myö nägimä yhtä Šiun nimellä porottamašša lemboloja , kumbane meilä jällesti ei kävele ; i myö kieldimä händä , mintäh hiän meilä jällesti ei kävele .
39 A Iisus šano : Elgiä kieldäkkiä händä ; eule nikedä muosʼtʼa , kumbane luadiu viän Miun nimellä , i voisʼ terväh Milma haukkuo .
40 Ken eu tiän piällä , teidä myötʼ on .
41 Ken kuin juottanou tiät malʼlʼašta vejellä Miun nimeh , šidä myötʼ , jotto työ Šyndyruohtinan oletta , aminʼ šanon teilä , ei hävitä omua palkua .
42 I ken kuin pahah šuattanou yhen näistä pienistä Miun uškojista , parembi oisʼ hänellä , kuin paniečiisʼ jauhokivi hänen kaglah , i luoduna oisʼ mereh .
43 I kuin pahah šuattanou šilma šiun käzi , leikkua hänen : parembi šiula kiättä männä eländäh , mi molembien käzien kera männä gejennah , šammuttamattomah tuleh ,
44 Missä hiän mado ei kuole i tuli ei šammu .
45 I kuin jalga šiun pahah šuattanou šilma , leikkua poisʼ : parembi rammalla šiula männä eländäh , mi molembien jalgojen kera luoduna olla gejennah , šammuttamattomah tuleh ,
46 Missä hiän mado ei kuole , i tuli ei šammu .
47 I kuin šiun šilmä pahah šuattanou šilma , pissä händä poisʼ : parembi šiula yhen šilmän kera männä taivahallizeh kuningahuššah , mi molembien šilmien kera olla luoduna tulizeh gejennah ,
48 Missä hiän mado ei kuole , i tuli ei šammu .
49 Jogohine tulella šuoluačou , i jogo tuonda šuolalla šuoluačou .
50 Hyvä on šuola ; a kuin šuola ei liene šuolane , millä šuoluačou ? Pidäkkiä ičeššä šuolua , i šovinduo pidäkkiä keškenäh .
Yhekšäš piä
карельский: собственно карельское наречие
Новописьменный тверской
3
18
22
37
44
46
48