Тексты
Вернуться к списку | редактировать | удалить | Создать новый | История изменений | Статистика | ? Помощь
Kymmeneš piä
Kymmeneš piä
карельский: собственно карельское наречие
Новописьменный тверской
1 I
šieldä lähtehyö , mäni Iudejan randah , šillä puolla Jordanua , i tuaš keräyvyttih Hänen luo rahvaš , i kuin Hänellä taba oli , tuaš heidä opašti .
2 I tulduo , fariseit muanittamizeh kyžyttih Häneldä : Šobiugo miehellä ičeštä laškie oma naine ?
3 A Hiän vaštah heilä šano : Min käški teilä Moise se i ?
4 I hyö šanottih : Moisei käški kirjuttua laškukirjane i laškie .
5 I vaštah šano heilä Iisus : Tiän pahua tabua myötʼ kirjutti teilä muozen käššennän .
6 A muailman allušta šua miehen i naizen luadi hiät Jumala .
7 Tämän täh jättäy inehmine oman tuaton i muamon
8 I tartuu omah naizeh , i lietäh molen yhteh hibieh ; šidä myötʼ enämbiä jo ei olla kahen , a yksi hibie .
9 Min jo Jumala yhitti , inehmine elgäh erottakkah .
10 I talošša tuaš täh näh Hänen opaššettavat kyžyttih Häneldä .
11 I šano heilä : Ken kuin laškonou oman naizen i naiččou toizella , pahua luadiu ;
12 I kuin laškonou naine ičeštä oman miehen i toizen tuakši mänöy miehellä , še niin že pahua luadiu .
13 I kanneldih Hänen luo lapšie , kuin Hiän koššahuttuačisʼ heidä ; a opaššettavat kiellettih tuojie .
14 Nähtyö tämän , Iisus pahottaliečih , i šano heilä : Andakkua lapšilla tulla Miun luo , elgiägo haukkukkua heidä , muozien on Jumalan kuningahuš .
15 Aminʼ šanon teilä , ken kuin ei ottane Jumalan kuningahuššua kuin lapši , ei liene häneššä .
16 I šebiähyö hiät , i panduo kiät hiän piällä , hyvin pagizi heilä .
17 I kuin läksi Hiän matkah , tuli Hänen luo yksi mieš , i šeizattuačehuo Hänen ieššä polvuzin , kyžy Häneldä : Hyvä Opaštaja , midä luadie , kuin šuaha iinigäne eländä ?
18 Iisus šano hänellä : Midä šie Milma šanot hyväkši ? Niken eu hyvä , vain yksi Jumala .
19 Tiijät käššennät : elä luaji naizinehmizien kera pahua ; elä tapa ; elä varrašša ; elä tyhjiä toizen piällä pagize ; elä abivoi ; šuurena pie tuattuoš i muamuoš .
20 A hiän vaštah šano Hänellä : Opaštaja , kaikki nämä luajin pieneštä šua .
21 Iisus , kačahtahuo hänen piällä , šuvaččemah rubei händä , i šano hänellä : Yhtä vielä et lopettan : mäne , mi šiula on myö i jua vaivazilla , i liey šiula elo taivahašša ; i tule , i kävele Miula jällesti , ottahuo rissin .
22 Hiän pahalla mielin oli tämän paginan täh i läksi Häneštä tuškeudun , oli hänellä äijä eluo .
23 I kačahtahuo , Iisus šano omilla opaššettavilla : Min jygehyöldi männäh elokkahat Jumalan kuningahuššah !
24 A opaššettavat pölläštyliečettih Hänen paginoja , a Iisus tuaš vaštah heilä šano : Poijat , min jygehyš uškojilla eloh männä Jumalan kuningahuššah .
25 Kebiembi männä nuoralla nieglan korvazista läbi , mi elokkahalla Jumalan kuningahuššah .
26 A hyö ylen diivuoliečettih , paissešša keškenäh : Nin ken voit šäilyö ?
27 Kačahtahuo hiän piällä , Iisus šano : Inehmizillä ei voi , a ei Jumalalla , kaikki voit Jumalalla .
28 Rubei Pedri pagizomah Hänellä : Ka myö jättimä kaikki i Šiula jällesti läksimä .
29 Vaštah šano hänellä Iisus : Aminʼ šanon teilä , eu nikedä , ken hylgäi kojingo , velletgo , čikotgo , izängo , emängo , naizengo , poijatgo , muango Miun täh i Jovangelin täh ,
30 Kuin ei ottane šuan verdua nyt tänä aigana kodiloja , i vellilöjä , i čikkoloja , i iziä , i emiä , i poigie , i muada , ollešša vierahalla rannalla , i toizešša ilmašša iinigähistä eländiä .
31 Äijät lietäh enžimäzet jälgimäzinä , a jälgimäzet enžimäzinä .
32 Kuin oldih hyö matašša , männeššä Ijerusalimah , Iisus iellä päin heidä aštu , i hyö kammottih , i Hänellä jällesti männeššä , varattih . I tuaš otti kakšitoistakymmendä , i rubei heilä pagizomah , mi Hänen kera lienöy :
33 Ka myö mänemmä Ijerusalimah , i Inehmizen Poiga annettu liey arhereiloila i kirjamiehillä , i viäritetäh Hänen šurmalla , i annetah Hänen vierottomilla ,
34 I ruvetah nagrattaliečomah Hänen piällä , i lyyväh Händä , i šylgietäh Hänen piällä , i tapetah Hänen ; i kolmandena päivänä virguou .
35 I Hänen edeh tuldih Juakova da Iivana , Zevedein poijat , paissešša : Opaštaja , tahomma , kuin myö midä pakonemma Šiulda , luadizit meilä .
36 A Hiän šano heilä : Midä teilä tahottau , kuin mie teilä luadizin ?
37 I hyö šanottih Hänellä : Anna meilä , kuin yksi meistä oigiella kiällä , a toine važamella Šilma vaš istuočizima Šiun kaunehuošša .
38 Iisus šano heilä : Että tiijä , midä pakkuotta . Voittago juuva žen mal’l’an , kummas’t’a Mie juon , i rissittiäčennällä , kulla Mie rissittiäčen , rissittiäčie ?
39 A hyö šanottih : Voimma . Iisus šano heilä : Mal’l’an , kummas’t’a Mie juon , juotta , i rissittiäčennällä , kulla Mie rissittiäčen , rissittiäčettä ;
40 A istuočie oigiella i važamella kiällä Milma eu Miun annettava , a kellä on varuššettu .
41 I kuuluštahuo , kymmenen ruvettih pahottaliečomah Juakovan da Iivanan piällä .
42 Iisus , kuččuhuo hiät , šano heilä : Tiijättä työ , kellä on mieli pidiä rahvahie , voitetah heidä , i hiän vanhemmat vallašša pietäh heidä .
43 A teisä niin ei liene : a ken kuin tahtonou teisä olla šuurembana , olgah teilä pienembänä ;
44 I ken kuin tahtonou teisä olla vanhembana , olgah kaikilla nuorembana .
45 Inehmizen Poiga ei tullun , kuin kuunneldais’ Händä , a kuundelomah i andua oma hengi äijien piäžövökši .
46 I tuldih hyö Ijerihonah . I kuin läksi Hiän Ijerihonašta , i Hänen opaššettavat , i äijä rahvašta , Timein poiga Vartiemei šogie istu pakkuomašša tierannašša .
47 I kuuluštahuo , jotto Iisus Nazorei on , rubei mögizömäh i pagizomah : Duavidan Poiga Iisus , ole hellä milma vaš .
48 I kiellettih händä äijät , kuin hiän olis’ iänettä ; a hiän vielä enämmäldi mögizi : Duavidan Poiga , ole hellä milma vaš .
49 I piettyhyö , Iisus käški kuččuo händä . I kučuttih šogien , šanuos’s’a hänellä : Rohkuače , nouže , kuččuu šilma .
50 A hiän luoduo ičeštä vuattien , nouži i tuli Šyndyruohtinan luo .
51 I šano hänellä vaštah Iisus : Midä tahot , kuin luadizin šiula ? Šogie šano Hänellä : Opaštaja , kuin mie nägizin .
52 Iisus šanо hänellä : Mäne , šiun uššonda piäšti šiun . I šidä že aigua rubei nägömäh i läksi matkah Šyndyruohtinalla jälles ti .
Kymmeneš piä
карельский: собственно карельское наречие
Новописьменный тверской
8
12
30
33
34
40
44