Тексты
Вернуться к списку | редактировать | удалить | Создать новый | История изменений | Статистика | ? Помощь
Viiještoistakymmeneš piä (Viiještoista piä)
Viiještoistakymmeneš piä (Viiještoista piä)
карельский: собственно карельское наречие
Новописьменный тверской
1 I
terväh huomenekšella keškenäh pandih arhereit vanhemmien i kirjamiehien kera , i kaikki kanža , i šidohuo Šyndyruohtinan , šuatettih Hänen i annettih Piluatalla .
2 I kyžy Häneldä Piluatta : Šiego olet Iudejoin kuningaš ? I Hiän vaštah šano hänellä : Šie šanot .
3 I paistih Hänen piällä arhereit äijät .
4 Piluatta tuaš kyžy Häneldä : Etgo nimidä vaštah pagize ? Kačo , min verdua Šiun piällä paissah .
5 A Iisus enämbiä nimidä ei paissun , äššen diivuoliečih Piluatta .
6 Jogo kallis’päivänä hiän laški heilä yhtä šivokšista , kedä pakottih .
7 Oli nimie myöt’ Varuavva omien hoppumiehien kera šivottu , kumbazet hopušša piäniekkuon luajittih .
8 I mögähtähyö , rubei rahvaš pakkuomah , kuin hiän aino heilä luadi .
9 A Piluatta šano heilä vaštah : Tahottago , laššen teilä Iudejoin kuningahan ?
10 Tieži hiän , vihua myöt’ annettih Hänen arhereit .
11 A arhereit juohateldih rahvahalla , kuin paremmin Varuavvan laškiis’ heilä .
12 A Piluatta tuaš šano heilä vaštah : Midiä tahotta , luajin šillä , kedä kučutta Iudejoin kuningahakši ?
13 A hyö tuaš mögähettih , šanuos’s’a : Riputa Händä .
14 A Piluatta šano heilä : Min pahutta Hiän luadi ? A hyö enämmäldi šidä möistih : Riputa Händä .
15 Niin Piluatta luadi rahvahan himuo myöt’ , laški heilä Varuavvan , i lyödyö , ando heilä Šyndyruohtinan riputettavakši .
16 A salduatat šuatettih Hänen huonukšeh (huonehukšeh ), kummas’t’a kučutah pretora , i kerättih kaiken polkan ;
17 I šuoritettih Hänen vuatteih , i punohuo kukonpuušta venčan , pandih Hänellä piäh ;
18 I ruvettih Hänellä tervehyttä pidämäh i pagizomah : Terveh , Iudejoin kuningaš !
19 I lyödih Händä piädä vaš šauvalla , i šylgiettih Hänen piällä , i heittiäčehyö polvuzin , kumardualiečettih Hänellä .
20 Nagrattaliečehuo äijän Hänen piällä , riuhattih Häneldä vuatteukšen , i šuoritettih Hänen omih vuatteih , i šuatettih Hänen riputettavakši .
21 I ahissettih kandua Hänen Ristie šiiričči mänijän Kirineistä Simonan , kumbane aštu pellošta , Aleksandran da Ruufan tuaton .
22 I šuatettih Hänen Golgofalla , paikalla , kumbane šanuočou oččapaikakši .
23 I annettih Hänellä juuva kargien kera ševotettuo viinua ; i Hiän ei otellun .
24 I Hänen riputtajat juattih keškenäh vuattiet , luoduo arbah , kellä mi ottua .
25 I oli päiviä kolmaš kodva , i Hänen riputettih .
26 I oli kirjutettu Hänen viäryttäkirjutuš : Iudejoin kuningaš .
27 I Hänen kera riputettih kakši rozboiniekkua , уhen oigiella , a toizen važamella kiällä Händä .
28 I luadih kirjutušta myöt’ , kumbane pagizou : I pahojen kera paniečih .
29 I šiiričči aštujat haukuttih Händä , vabautuas’s’a omilla piälöillä i paissešša : Aha , kirikön levittäjä i kolmešša päiväššä šeizattaja .
30 Šäilytä iččiedä , i lähe Rissildä .
31 Niin že i arhereit nagrattaliečettih kirjamiehien kera , toine toizella paissešša : Toizie šäilytti , iččiedägo ei voi šäilyttiä .
32 Hristos , Izruajelin kuningaš , ana nyt lähtöy Rissildä , ehki niämmä i uššomma Hänellä . I Hänen kera riputetut haukuttih Händä .
33 Konža oli kuuveš kodva , oli pimie kaikella mualla yhekšändeh kodvah šua .
34 I yhekšändenä kodvana mögähtih Iisus korgiella iänellä , šanuos’s’a : Eloi , Eloi , lama savahfani ? Niin šanuo : Jumala Miun , Jumala Miun , miksi Šie Miun jätit ?
35 I muuvennet šeizojista , kuulduo , paistih : Ka Il’l’ua kuččuu .
36 Yksi hyppäi i , täyvyttähyö pakkulin muigiejuomizella , i panduo šauvazella , juotti Händä , paissešša : Vuota , kačomma , tulougo Il’l’a piäštämäh Händä .
37 A Iisus , mögähtähyö šuurella iänellä , kuoli .
38 I kirikön ovešša vuattie rebiih kahekši , ylizeštä piäštä alizeh šua .
39 Nähtyö , šuan piällä vanhin , Hänen kohašša šeizoja , jotto Hiän , niin mögähtähyö , kuoli , šano : Tožieh tämä Mieš oli Jumalan Poiga .
40 Oldih i naizinehmizet , kumbazet edähädä kačottih : niisä oli Muarie Magdalina , i pienen Juakovan da Iosein emä Muarie , da Salomie ,
41 Kumbazet , konža Hiän oli Galilejašša , käveldih Hänellä jällesti , i kuunneldih Händä , i äijät toizet , kumbazet tuldih Hänen kera Ijerusalimah .
42 I jo kuin oli myöhä , žentäh , jotto oli viiješ päivä , mi šuovattua vaš ,
43 Tuli Arimafejašta Ossippa , šuuri mieš , i Hiän vuotti Jumalan kuningahuštua , rohkuačehuo , mäni Piluatan luo i pakkoi Šyndyruohtinan hibiedä .
44 A Piluatta diivuolih , jotto Hiän kuoli , i kuččuhuo šuan miehen vanhemman , kyžy häneldä : Jogo Hiän kuoli ?
45 I tiijuštahuo vanhemmašta , ando hibien Ossipalla .
46 I hiän , oštahuo torven , i heittähyö Hänen Rissildä , kiäri häneh i pani Hänen kalmah , kumbane oli luajittu kiveštä , i pani kiven kalman piällä .
47 A Muarie Magdalina da Iosein Muarie kačottih , kunne Hänen pandih .
Viiještoistakymmeneš piä (Viiještoista piä)
карельский: собственно карельское наречие
Новописьменный тверской
17
18
41
43