Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus piästäy hullatun
Iisus piästäy hullatun
карельский: ливвиковское наречие
Новописьменный ливвиковский
1 Iisus astui
veneheh , meni toizele rannale i tuli omah linnah .
2 Sie rahvas tuodih Hänen luo hullattu , kudai virui magavosijal . Konzu Iisus nägi , heil on usko Häneh , Häi sanoi hullatule : "Älä varua , velli ,sinun riähkät on sinule prostittu ".
3 Erähät zakonanopastajat sanottih sit ičekseh : "Tai mies nagrau Jumalua ".
4 No Iisus nägi , midä hyö duumaijah , i sanoi : "Mikse työ pahoi duumaičetto minuh näh ?
5 Mi on kebjiembi – sanuogo : "Sinun riähkät on sinule prostittu ", vai sanuo : "Nouze da astu "?
6 No gu työ tiedäzittö , Ristikanzan Poijal on valdu prostie mual riähkii ", sit kiändyi hullatun puoleh da sanoi : "Nouze , ota oma sija da mene kodih ".
7 I mies nouzi da lähti kodih .
8 Tämän nähtyy rahvas varavuttih da ruvettih ylendämäh Jumalua , kudai andoi ristikanzale nengozen vallan .
Iisus piästäy hullatun
карельский: ливвиковское наречие
Новописьменный ливвиковский