Тексты
Вернуться к списку | редактировать | удалить | Создать новый | История изменений | Статистика | ? Помощь
Mindäh Iisus pagizi arbaituspaginoil?
Mindäh Iisus pagizi arbaituspaginoil?
карельский: ливвиковское наречие
Новописьменный ливвиковский
10 Opastujat
tuldih Iisusan luo da kyzyttih : "Mindäh Sinä pagizet heijänke arbaituksil "?
11 Iisus vastai : "Sendäh , ku teile on annettu tiediä Taivahallizen vallan peittomielet , a heile ei .
12 Kel on , sille annetah , i hänel rodieu kybimän kylläl , no kel ei ole , sil otetah iäres segi , mi hänel on .
13 Minä pagizen heijänke arbaituksil sikse , ku hyö silmil kačotah , vai ei nähtä , korvil kuunnellah , vai ei kuulta eigo ellendetä .
14 Heis stuanihes tämä Isaijan ennustus : – Kuulten kuuletto , vai etto ellendä .
Kaččojen kačotto , vai etto näi .15 Kovennuh on tämän rahvahan syväin : korvil hyö odva kuultah , i heijän silmät ollah ummes , ku ei nähtäs silmil , ei kuultas korvil , ei ellendettäs sydämel , ei kiännyttäs iäre pahas da ku Minä heidy en piästäs .
16 Teijän silmät ollah ozakkahat ku nähtäh , da korvat – ku kuultah !
17 Toven sanon teile : äijät Jumalan iänenkandajat da oigiel eläjät ristikanzat tahtottih nähtä se , midä näittö työ , vai ei nähty , da tahtottih kuulta se , midä työ kuuletto , vai ei kuultu ".
Mindäh Iisus pagizi arbaituspaginoil?
карельский: ливвиковское наречие
Новописьменный ливвиковский