Тексты
Вернуться к списку | редактировать | удалить | Создать новый | История изменений | Статистика | ? Помощь
Mis nägyy lopun tulendu?
Mis nägyy lopun tulendu?
карельский: ливвиковское наречие
Новописьменный ливвиковский
3 I
konzu Iisus istui Voipuumäil , Hänen luo tuldih opastujat rahvahattomal aijal da kyzyttih : "Sano meile , konzu se kai rodieu da mittuine on Sinun tulendan da tämän aijan lopun tunnusmerki "?
4 Iisus vastai heile : "Vardoikkuattokseh , ku niken ei yöksyttäs teidy .
5 Äijät , näit , tullah minun nimel da sanotah : "Minä olen Messii ", i hyö yöksytetäh äijii .
6 Työ kuuletto torien iänii i viestilöi voinis ;
kačokkua , älgiä pöllästykkiä .Muga pidäy olla , no se vie ei ole loppu .7 Rahvas nouzou rahvahan piäle i mua muan piäle .
Äijis kohtis rodieu n՚älgiä da muansärizendiä .8 No kai se on vai suandutuskien algu .
9 Sit teidy annetah muokattavakse da tapetah , i kai muailman rahvahat ruvetah vihuamah teidy minun nimen täh .
10 Äijät sit kieldävytäh uskos , ruvetah menettämäh da vihuamah toine tostu .
11 Tulou äijy Jumalan iänenkandajakse menijöi , i äijii hyö yöksytetäh .
12 Sendäh äijien suvaičus vilustuu , ku viärys liženöy .
13 No ken kestäy loppuh suate , se piäzöy .
14 Kaikkiel muailmas ruvetah sanelemah hyviä viestii Taivahallizen valdah näh , ku luadie se tiettäväkse kaikile rahvahile , i sit tulou loppu ".
Mis nägyy lopun tulendu?
карельский: ливвиковское наречие
Новописьменный ливвиковский