Тексты
Вернуться к списку | редактировать | удалить | Создать новый | История изменений | Статистика | ? Помощь
Nouššahko kuollehet?
Nouššahko kuollehet?
карельский: собственно карельское наречие
Новописьменный севернокарельский
18Šiitä
Iisussan luo tuli saddukeita , kumpaset šanotah , jotta kuollehet ei noušša . Hyö šanottih Hänellä : 19"Opaštaja , Moissei kirjutti meilä näin : "Kun mieš kuollou , ta häneltä jiänöy naini , a ei lašta , niin hänen vellen pitäy ottua leški naisekšeh ta šuaha vainualla jälkiläini ".
20Oli šeiččemen velleštä . Vanhin heistä akottu ta kuoli , a lapšie ei jiänyn .
21No šiitä toini velli otti lešen , ka hiänki kuoli jättämättä lapšie . Šamoin kävi kolmannella
22ta kaikilla šeiččemellä : yheltäkänä ei jiänyn lapšie .
Kaikkein viimesenä kuoli iče naini .
23Kun tulou päivä , konša kaikki kuollehet nouššah , niin kenen naini hiän šilloin on ?
Hiän vet oli kaikkien šeiččemen naisena ".
24Iisussa vaštasi heilä : "Työ oletta ekšykšissä , a mintäh ? Šentäh , kun että tiijä Pyhie Kirjutukšie ettäkä Jumalan voimua .
25Kuollehista nouššuot ei akotuta eikä männä miehellä , a hyö ollah niin kuin anhelit taivahissa .
26Kun nyt tuli pakinakši kuollehista noušomini , niin Pyhien Kirjutukšien mukah kuollehet nouššah . Ettäkö ole luken Moissein kirjašta pakinua palajašta penšahašta ? Šiinä Jumala šano Moisseilla : "Mie olen Aprahamin Jumala , Issakan Jumala ta Juakon Jumala ".
27Ei Hiän ole kuollehien Jumala , vain elävien . Aprahami , Issakka ta Juakko eletäh ielläh kuoloman jälkehki . Työ oletta šuurešti ekšykšissä ".
Nouššahko kuollehet?
карельский: собственно карельское наречие
Новописьменный севернокарельский