Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus molihes Gefsimanies
Iisus molihes Gefsimanies
карельский: ливвиковское наречие
Новописьменный ливвиковский
32 Hyö
tuldih Gefsimanii-nimizeh kohtah , i Iisus sanoi opastujile : "Istukkua täs , kuni minä molimmos ".
33 Häi otti kerale Pedrin , Juakoin da Iivanan . Varavo da tusku rubei valduamah Händy .
34 Häi sanoi heile : "Minun hengi on suuris tuskis , kuolendutuskis : jiägiä täh da olgua jallas ".
35 Häi meni vähästy loitombakse , painui muah da moliihes , ku tämä jygei aigu , ku suannou , menis Hänes siiriči . 36 Häi sanoi : "Avva , Tuatto , Sinä kai voit .
Kanna tämä mal՚l՚u minus siiriči . No anna rodieu ei muga , kui minä tahton , a muga , kui tahtot Sinä ".
37 Sit Häi tuli järilleh i tabai opastujat maguamas . Häi sanoi Pedrile : "Simon , maguatgo sinä ?
Etgo voinnuh ni kodvastu olla jallas ?
38 Olgua jallas da moliettokseh , ku etto puuttus muanituksih . Hengi tahtos , ga rungu on vähävägine ".
39 Häi uvvessah meni loitombakse i moliihes niilöil samazil sanoil .
40 Opastujien luo tulduu Häi myös nägi heidy maguamas , uni vedi heijän silmät umbeh . Hyö ei tietty , midä sanuo Hänele .
41 Kolmanden kerran tulduu Iisus sanoi heile : "Ainosgo työ maguatto da huogavutto ?
Rodieu jo ! Aigu tuli . Ristikanzan Poigu annetah riähkähizien käzih .
42 Noskua , läkkiä minunke ! Kačokkua , minun menettäi on jo lähäl ".
Iisus molihes Gefsimanies
карельский: ливвиковское наречие
Новописьменный ливвиковский