Тексты
Вернуться к просмотру | Вернуться к списку
Iisussua nuaglitah ristah
История изменений
26 июля 2022 в 13:01 Нина Шибанова
- создал(а) текст
- создал(а) текст: 21 Yksi mies ugodiihes astumah siiriči heis.^ Saldatat pandih händy kandamah Iisusan ristua.^ Se oli kirinielaine Simon, Aleksandran da Ruufan tuatto, kudai oli tulemas linnah. 22 Saldatat viedih Iisus Golgofa-nimizele kohtale, kudai meijän kielel on Piäkul՚l՚ukkukohtu. 23 Hyö tarittih Hänele viinua, kudamah oli sevoitettu miirua, no Häi ei ottanuh sidä. 24 Sit hyö nuaglittih Händy ristah da keskenäh juattih Hänen sovat, pandih puikkoh, kelle mi puuttuu. 25 Oli kolmas čuassup, konzu hyö nuaglittih Händy ristah. 26 Ristah pandih kirjutus, kudai ozutti, mis Händy viäritettih: «Jevreilöin suari». 27 Hänenke nuaglittih ristah vie kaksi rozvuo, yksi Hänen oigiele puolele, toine – hurale. [28 Muga stuanivuttih kirjutuksen sanat: «Händy pandih rozvoloin joukkoh»]. 29 Siiričiastujat nagrettih Händy, lekutettih piädy da sanottih: «Aa, sinähäi voit levittiä muah jumalankoin da kolmes päiväs nostua sen! 30 Piästä nygöi iččiedäs, heity ristaspäi»! 31 Nenga nagrettih Händy i ylimäzet papit, zakonanopastajat da vahnimat.^ Hyö paistih keskenäh: «Toizii häi piästi, a iččiedäh ei voi piästiä. 32 Messii, Izrail՚an suari heitykkäh nygöi ristaspäi, ku myö nägizimmö sen da uskozimmo häneh». Kudamii nuaglittih ristah yhtes Iisusanke, netgi kirottih Händy.
06 июля 2022 в 11:52 Нина Шибанова
- создал(а) перевод текста