Тексты
Вернуться к списку | редактировать | удалить | Создать новый | История изменений | Статистика | ? Помощь
Saharei ylentäy Jumalua
Saharei ylentäy Jumalua
карельский: собственно карельское наречие
Новописьменный севернокарельский
67Iivanan
tuatto Saharei täytty Pyhällä Henkellä ta alko einuštua : 68– Kiitetty olkah Hospoti , Israelin Jumala , šentäh kun Hiän tuli omua rahvaštah auttamah ta lunašti šen .
69Hiän toimitti meilä väkövän Pelaštajan oman käškyläisen Tuavitan šuvušta , 70niin kuin oli ammusina aikoina luvannun omien pyhien viessintuojien šuulla .
71Hiän pelašti miät vihollisista , kaikkien miän vihamiehien käsistä .
72Jumala on armahtan miän tuattoja a muistan šen pyhän šopimukšen , min luati hiän kera , 73šanan , kumpasen Hiän anto Aprahamilla , miän kantatuatolla . 74Vihollisien käsistä piäššehinä 75myö voimma mitänä varajamatta sluušie Hänellä , puhtahina ta oikiemielisinä Hänen ieššä koko miän elämän ajan .
76A šilma , lapši , ruvetah šanomah Ylimmäisen viessintuojakši , šentäh kun šie lähet matkuamah Hospotin iellä , jotta puhistua Hänellä tiet . 77Šie kerrot Hänen rahvahalla pelaššukšešta , riähkien prostimisešta .
78Näin miän Jumala omašša šuurešša hyvyöššä armahtau meitä , korkevukšista koittau meilä päivännoušu .
79Še loistau niillä , ket eletäh pimieššä ta kuoloman kuvahaisešša , še juohattau miän jalat rauhan tiellä .
80Lapši kašvo ta vahvistu henkeššä . Hiän eli tyhjäššä muašša šini , kuni hänellä ei tullun aika männä Israelin rahvahan eteh .
Saharei ylentäy Jumalua
карельский: собственно карельское наречие
Новописьменный севернокарельский