Тексты
Вернуться к списку | редактировать | удалить | Создать новый | История изменений | Статистика | ? Помощь
Juaveli muanittelou Iisussua
Juaveli muanittelou Iisussua
карельский: собственно карельское наречие
Новописьменный севернокарельский
1Iisussa myöšty
Jortanojovelta täytenä Pyhyä Henkie . Henki vei Hänet tyhjäh muah .
2Iisussa oli šielä nelläkymmentä päivyä , ta juaveli muanitteli Häntä . Kaikki nämä päivät Iisussa oli šyömättä , ta kun tämä aika loppu , Hänellä tuli nälkä .
3Šilloin juaveli šano Hänellä : "Kun kerran olet Jumalan poika , niin käše tämän kiven muuttuo leiväkši ".
4Iisussa vaštasi hänellä : "Pyhissä Kirjutukšissa on šanottu : "Ei ihmini elä yksistäh leiväštä , vain jokahisešta Jumalan šanašta "".
5Šiitä juaveli vei Iisussan korkiella vuaralla , šilmän räpähykšeššä näytti Hänellä kaikki muailman valtakunnat 6ta šano : "Kaikki nämä valtakunnat ta niijen pohasvuot Mie annan Šiula , ne kun niät on annettu miula ta mie voin lahjottua ne kellä tahtonen .
7Kun kumartanet miula , niin kaikki tämä on Šiun ".
8Iisussa vaštasi hänellä : "Jätä Miut , šaatana .
Pyhissä Kirjutukšissa on šanottu : "Hospotilla , omalla Jumalallaš , šiun pitäy kumartua ta vain Hänellä šiun pitäy sluušie "".
9Šiitä juaveli vei Iisussan Jerusalimih , pani Hänet jumalankojin kurkihirrellä ta šano Hänellä : "Kun kerran olet Jumalan Poika , niin hyppyä tiältä alaš .
10Onhan Pyhissä Kirjutukšissa šanottu : "Jumala käšköy omilla anheliloillah šuojata Šilma .
11Hyö kannetah Šilma käsilläh , jotta et šatattais jalkuaš kiveh "".
12Iisussa vaštasi juavelilla : "Šielä on šanottu vieläi näin : "Elä kiušua Hospotie , šiun Jumaluaš "".
13Kun juaveli oli kaikilla keinoin kuihutellun Iisussua , hiän jätti Häntä kotvakši aikua rauhah .
Juaveli muanittelou Iisussua
карельский: собственно карельское наречие
Новописьменный севернокарельский