Тексты
Вернуться к списку | редактировать | удалить | Создать новый | История изменений | Статистика | ? Помощь
Mitein on elettävä Jumalan Valtakunnašša?
Mitein on elettävä Jumalan Valtakunnašša?
карельский: собственно карельское наречие
Новописьменный севернокарельский
1Iisussa šano
opaššettavilla : "Muanitukšie varmašti tulou , no voi šitä ihmistä , ken toisie pahah muanittau ! 2Šillä ois parempi , kun hänet melličänkivi kaklašša lykättäis mereh . Paha periy šen , ken muanittau pahah yhenki näistä pienistä .
3Olkua varoillana ! Kun velleš ollou ruatan šiula pahua , kiruo häntä . A kun hiän jättänöy pahat ruavot ta kyšynöy proškenjua , prosti häntä .4Vaikka hiän šeiččemen kertua päiväššä ruatanou šiula pahua ta šeiččemen kertua tullou ta šanonou : "Mie ruavoin pahoin ", niin prosti häntä ".
5Apostolit šanottih Hospotilla : "Anna meilä enämmän uškuo "!
6Hospoti vaštasi heilä : "Kun teilä ois uškuo hoti gorčitsan šiemenen verran , työ voisija šanuo tällä šulkkupuulla : "Nouše juurineš muašta ta issuta iččeš mereh ", ta še tottelis teitä .
7Kun teilä ollou paššari kyntämäššä tahi lampahie paimentamašša ta še tullou pellolta , šanouko šilloin isäntä hänellä : "Tulehan rutompah stolah "?
8Ei hiän niin šano , vain šanou : "Valmissa miula illallini , šivo vuattieš vyöllä ta paššua milma , kuni mie šyön ta juon . Šen jälkeh šie ičeki voit šyyvvä ta juuvva ".
9Kiittäykö isäntä paššarie šiitä , kun še ruatau työtä käšettyö ? Tuškinpa .
10Šamoin työki , kun oletta ruatan kaikki , mitä tiän oli käšetty , šanokkua : "Myö olemma vain paššarit . Myö ruatoma vain šen , mitä miän pitiki ruatua "".
Mitein on elettävä Jumalan Valtakunnašša?
карельский: собственно карельское наречие
Новописьменный севернокарельский