Тексты
Вернуться к списку | редактировать | удалить | Создать новый | История изменений | Статистика | ? Помощь
Iisussa račaštau Jerusalimih
Iisussa račaštau Jerusalimih
карельский: собственно карельское наречие
Новописьменный севернокарельский
28Tämän
šanottuo Iisussa matkeutu toisien ieššä Jerusalimih .
29Konša Hiän tuli Voipuuvuaralla , lähellä Vifagijan ta Vifanijan kylie , hiän työnsi ieltäpäin kakši opaššettavua ta šano heilä : 30"Mänkyä tuoh kyläh , mi on kohakkah . Kun tuletta šinne , niättä kiini šivotun oslanvaršan , kumpasen šeläššä vielä kenkänä ei ole istun .Kerittäkkyä še ta tuokua tänne .31Kun ken kyšynöy teiltä : "Mintäh työ keritättä šitä "? niin vaššakkua näin : "Hospoti tarviččou šitä "".
32Opaššettavat mäntih ta nähtih , jotta kaikki oli niin kuin Iisussa heilä šano .
33Konša hyö keritettih varšua , šen omistajat kyšyttih heiltä : "Mintäh työ keritättä varšua "?
34Hyö vaššattih : "Hospoti tarviččou šitä ".
35Hyö tuotih varša Iisussalla , pantih šen šelkäh omie vuatteitah ta autettih Iisussua noušomah šen šelkäh .
36Šiitä Hiän račašti varšalla , a ihmiset levitettih vuatteitah Hänen eteh tiellä .
37Iisussa lähešty šitä paikkua , missä tie laškeutu Voipuuvuaran rinnettä alaš . Koko opaššettavien šuuri joukko rupesi kiittämäh Jumalua kaikista šuurista ruatoloista , kumpasie hyö oli nähty .Hyö karjuttih : 38"Plahoslovittu olkah Čuari , kumpani tulou Hospotin nimeššä !Olkah rauha taivahissa ta kunnivo Jumalalla korkevukšissa "!
39Eryähät farisseit rahvašjoukošta šanottih Iisussalla : "Opaštaja , kiellä noita Šiun opaššettavie "!
40Vain Iisussa vaštasi heilä : "Mie šanon teilä : kun hyö oltais iänettäh , niin kivet karjuttais ".
Iisussa račaštau Jerusalimih
карельский: собственно карельское наречие
Новописьменный севернокарельский