Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus ajau raččahis Jerusalimah
Iisus ajau raččahis Jerusalimah
карельский: ливвиковское наречие
Новописьменный ливвиковский
28 Tämän
saneltuu Iisus lähti toizien iel nouzemah Jerusalimah menijiä dorogua myöte .
29 Konzu Häi läheni Voipuumäikse sanottavua mägie da oli jo lähäl Betfageidu da Vifaniedu , Häi työndi ielpäi kahtu opastujua 30 da sanoi heile : "Mengiä tuah vastalpäi olijah kyläh . Konzu tuletto sinne , näittö sivotunnu oslan sällyn , kudamal selläs vie niken ei istunuh . Keritäkkiä se da tuogua tänne .31 Ku ken kyzynöy , mikse sidä keritättö , sanokkua : Ižändäle pidäy se ".
32 Net kahtei lähtiettih da nähtih : kai on muga , kui Iisus sanoi .
33 Konzu hyö oldih kerittämäs sälgyy , sen ižändät kyzyttih : "Miksebo otatto sällyn "?
34 Hyö sanottih : "Se pidäy Ižändäle ".
35 Opastujat tuodih sälgy Iisusan luo , lykättih sobua sen selgäh da autettih Iisusale nosta raččahih .
36 Konzu Häi ajoi , rahvas levitettih omii sobii dorogale .
37 Konzu Iisus läheni sidä kohtua , kus dorogu menöy Voipuumägie alah , kogo opastujien joukko rubei ihastuksis äijäl kiittämäh Jumalua kaikis suuris ruadolois , kudamii hyö nähtih . 38 Hyö kirruttih : – Blahoslovittu on Suari , kudai tulou Ižändän nimes ! Rauhu taivahas , kunnivo ylimäzes taivahas !
39 Erähät rahvasjoukos olijat fariseit sanottih Iisusale : "Opastai , kiellä iččes opastujii "!
40 No Iisus sanoi : "Minä sanon teile : ku hyö oldas vaikkani , sit kivet kirruttas ".
Iisus ajau raččahis Jerusalimah
карельский: ливвиковское наречие
Новописьменный ливвиковский