Тексты
Вернуться к списку | редактировать | удалить | Создать новый | История изменений | Статистика | ? Помощь
Pruazn’eikkoi piättih
Pruazn’eikkoi piättih
карельский: ливвиковское наречие
Рыпушкальский
Olihäi rahvahal
pruazn’eikkoi ?
Oli , oli , pruazn’eikoil’e kävüi .
Mustel’e nügöi niidü aigoi .
Nu meil’e pruazn’eikoil’e käüdih .Tol’ko humalniakkua L’us’oi meil’ eulluh , da nikuz eulluh hiarus .Humalniakkua eulluh .Pruaz’neikoil’e n’ellinkümmenin hengin kävüi .
Ühteh taloih ?
Ühteh taloih , da .Piiraidu pastoimmo ünnälližed viršid , iham pravvan sanon .Pastettih püäräkküä , kalitkua , rahtopiirua .
Kalitkua se šipainiekkua ?
AM : Šipainiekkua , šipainiekkua , nu vot .Sit kokoipiiraidu , viä ned [oldih ] moižed rugehižes tahtahas , südämeh pandih konzu oli brossoa , brossua eulluh , ga [pandih ] talkunjauhua , koiž luajittuu pandih .Nu vot , i luajit , pruazn’eikoil’e luajittih .A viinua vähä oli meil’ vot .Meil’ oli tata , ei juannuh viinua .Hänellüö kaheksa mužikkua kävüi , dostalit siä tütöd da brihat käüdih , äijü kävüi gos’t’ua .Nu tooko häi ühtü r’umkaštu [ei juonnuh ].Hänel oli četverti , nostau viinua četvernoin .Viä toššu päivän murgin süädih , viä kaikil’e rodih pohmel’l’u i huandeksel stopkažed d’uadih .Ištuttih , taratettih , a eigo sporittu , eigo pl’äšittü , eigo pajatettu , eigo nimidä .Muut’e ves’s’el’äh ves’s’eliä paginua paištih vaiku da .A bes’odu se oli , ühteh sijah kerrüttih , konzugo Martoih , konzugo Mikon alah käüdih siä .Nu soitettih da kadrielii da i jälgimäi jo tansuittih .Minun aigah jo tansuittih . Nu vot .A gos’t’ua kävüi .Nu vot , kačo , enne luajittii studeni , suuppu da žarkoi , muudu nimidä ,nügöi luajitah zakuskua kaikkia .
A žarkoi se mibo se [oli ], liha ?
Se liha , liha , kui nügöi sanotah tušonkua , a enne , sanottih žarkoi .Žarkoi liha , sinne lihua pandih , a kartouhkua ni vous’e , istiniä lihua .Lihua pandih , net puat siä havvuttih , tušittiheze päčis .Nu vot i kiiseli .Vot , kiiseli , jesli maidua eulluh kes , magei neče vezi .A jesli kel oli maidua , maijon kel’e kiiseli . Ühtes juvvas , eulluh torialkažii od’d’elnoloi .Kaksi meil’ oli polikkastu stolua , nügöi sanotah kniškastol , meil’ oli polikkahat stolat , kaksi stolua .Pannah , ištutahez ühtez riävüs .Kolme juadua oli , kolmez miskas süädih kaikin .Da i niiz miskois süädih , sid i pandih sih žarkoi sežo kolmeh miskah , nu ei niih miskoih , toižih .
Nu vot , da sid ezukset , kaikil’e pandih ezukset .Ei pandu torialkoil’e piirailoi .Ezuksed’ d’oga [gost’ale ].Vot püäräkkö , kokoipiirai , šipainiakku , rahtopiiruadu , i viä t’eplikkü .T’eplikkü luajittih .Vaiku t’eplikät pandih .T’eplikkü se kui keksu moine , nügöi sanotah keksu , a se jäiččiä [pandih ] da kai , luajittih voih .Sit se ku l’eikatah kahtel’e torialkale , a muit’e pandih nämmä kokoipiiraid da kai , vatruškat kai jogahižel’e i l’eibiä .L’eibiä sežo eudu leikattu .I l’eivät pandih ezuksih .Vilku , luzikku , i tukku ezustu sih .Nu sit , süä kai libo jätä mi , a , tarialkoil’ eulluh ni vous’e , kai oldih ümbäri ezukset .A sinä edgo sidä musta ?
Em minä musta sidä .
Sidä ed ni musta , sinä ed musta , ned oli ezuksed enne .Nu , nämmä suupat pandih od’d’elno .Kiiselii sežo kaksi libo kolme as’t’ettu , a stauččah magiedu vettü , [konzu ] l’ehmü ei l’üpsänüh talvipruazn’eikan aigah , sid pandih .Sid vai hevot räigäü ku tullah [gost’at ], vai kačothäi – hebua .Meil’e kaheksin hebožin kävüi , siä kuduad sarail’e sünnütäh , ei sarail’e , ga viä sarain nečеn pordahian al piättih .Siä hebožii süätettih da kai .
Pruazn’eikkoi piättih
карельский: ливвиковское наречие
Рыпушкальский