ВепКар :: Тексты

Тексты

Вернуться к списку | редактировать | удалить | Создать новый | Статистика | ? Помощь

Evangelii Lukan mödhe (5:1-11). Iisusan ezmäižed openikad

подкорпус: библейские тексты

Источник:
Uz’ Zavet, 2006, с. 141-142
Evangelii Lukan mödhe. Iisusan töd galilejas 4:14-9:50. 5.

От Луки святое благовествование, Глава 5. Библия (Синодальный перевод).

en=Luke|5

Evangelii Lukan mödhe (5:1-11). Iisusan ezmäižed openikad

вепсский
1Kerdan Iisus seižui Gennisaretjärven randal. Sur’ rahvazkogo tungihe hänes ümbri, miše kulištada Jumalan sanad. 2Sid’ hän nägišti randas kaks’ veneht. Kalanikad oliba lähtnuded venehišpäi i huhtoiba verkoid.

3Iisus mäni ühthe veneheze, kudamb oli Simonan, i pakiči Simonad souta randaspäi vähän edemba. Sid’ hän ištuihe i zavodi opeta rahvast venehespäi.

4Konz hän lopi paginan, hän sanui Simonale: "Souda venehel süvembale, laskkat sinna verkod abajoho."

5Neche Simon sanui: "Opendai, mö olem radnuded jo kaiken ön, no em sanugoi nimidä. No lasken völ kerdan verkod, ku sinä muga käsked."

6Muga hö tegiba-ki i saiba severdan äi kalad, miše heiden verkod-ki zavodiba rebita.

7Hö kucuiba abuhu sebranikoid, ked oliba toižes venehes. Hö tuliba i täutiba molembad venehed kalal muga, miše venehed uptaškanziba.

8Necen nägištades Simon Petr lanksi Iisusan jaugoihe i sanui: "Lähte täspäi, Ižand! Ved’ minä olen grähkhine mez’."

9Hän i kaik toižed, ked oliba hänen venehes, pöl’gästuiba necidä sur’t kalansatust, 10heiden keskes mugažo Jakov i Joan, Zevedejan poigad, kudambad oliba Simonan sebras kalatamas. No Iisus sanui Simonale: "Ala varaida. Neciš päiväspäi sinä linned mehiden püdajan."

11Hö vediba molembad venehed randale, jätiba kaiken i läksiba Iisusanke.

Евангелие от Луки (5:1-11). Первые ученики Иисуса

русский
1 Однажды, когда народ теснился к Нему, чтобы слышать слово Божие, а Он стоял у озера Геннисаретского, 2 увидел Он две лодки, стоящие на озере; а рыболовы, выйдя из них, вымывали сети.

3 Войдя в одну лодку, которая была Симонова, Он просил его отплыть несколько от берега и, сев, учил народ из лодки.

4 Когда же перестал учить, сказал Симону: отплыви на глубину и закиньте сети свои для лова.

5 Симон сказал Ему в ответ: Наставник! мы трудились всю ночь и ничего не поймали, но по слову Твоему закину сеть.

6 Сделав это, они поймали великое множество рыбы, и даже сеть у них прорывалась.

7 И дали знак товарищам, находившимся на другой лодке, чтобы пришли помочь им; и пришли, и наполнили обе лодки, так что они начинали тонуть.

8 Увидев это, Симон Петр припал к коленям Иисуса и сказал: выйди от меня, Господи! потому что я человек грешный.

9 Ибо ужас объял его и всех, бывших с ним, от этого лова рыб, ими пойманных; 10 также и Иакова и Иоанна, сыновей Зеведеевых, бывших товарищами Симону. И сказал Симону Иисус: не бойся; отныне будешь ловить человеков.

11 И, вытащив обе лодки на берег, оставили всё и последовали за Ним.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков