Тексты
Вернуться к списку | редактировать | удалить | Создать новый | История изменений | Статистика | ? Помощь
Mäkinen (Remšu) Maikki. Mečänpeitokšešta piäššettih
Mäkinen (Remšu) Maikki
Mečänpeitokšešta piäššettih
карельский: собственно карельское наречие
Новописьменный севернокарельский
M ie tiälä
Vuokkiniemeššä olin šovan aikana .Šilloin šielä oli šemmoni Issakan Riijon akakši šitä šanottih , jotta še tiesi kaikki .Šiitä oli Tollonjovelta yksi vanha akka , oliko še Okahvie .Šiltä oli lähtömät mänty meččäh eikä niitä löytyn .Kun meččä oli peittän .
No še tuli šinne Ananien Ohvoh ta šano :
– Šano , kukki-čikkon , mi nyt on , kun lähtömät on ollun jo nellä yötä mečäššä ?Meččä on peittän ta ne ei tultu kotih .
Hiän oli vanha ihmini eikä jakšan lähtie niitä eččimäh .No ta molommat on kuurnehie .Karjutah toini toisellah , mie kuuntelen .Issakan Riijon akka šanou :
– Lähemmä tuonne vajosilla čuhuttamah .
A kešä kun on , ikkuna on auki , ni ajattelen : "No čuhuttuat työ ".
Mie mänin ikkunan luokši kuuntelomah šitä čuhutušta , kun ne vajosilla mäntih čuhuttamah .Ohvon akka šanou :
– Kun mänet kotihis , ota liävän hinkalošta hiili ta kirjuta šillä hiilellä liävän kynnykšeh jotta : "Još ei piessa tuo tämän yön aikana lehmie kotih , ni mie luajin Jumalalla prošen’jan ".
A kumpikana ei šuattan kirjuttua eikä tietän i :tä eikä a :ta .Ka kirjuttua vain piti , hiilellä töhertyä .Ta mitein ni olkah , toisena iltana lehmät tulla jelkuttih kotih .Šiitä še tuli kiittämäh ta spassaiččomah , jotta kun illalla lehmät tultih kotih , heti toisien lehmien kera oli tultu .Še oli prošen’jan luatin Jumalalla .Näin ne enneinvanhaset rahvaš .
Mečänpeitokšešta piäššettih
карельский: собственно карельское наречие
Новописьменный севернокарельский
–
–
–