Тексты
Вернуться к списку | редактировать | удалить | Создать новый | История изменений | Статистика | ? Помощь
Peša Ruočin paginoi. Zaverkan Timoi da Ruočin Peša sulhastamas
Peša Ruočin paginoi. Zaverkan Timoi da Ruočin Peša sulhastamas
карельский: ливвиковское наречие
Новописьменный ливвиковский
Meil
Salmis oli sellane taba , što Rastavan da Pyhälaskun välil brihat käydih sulhasmatas .Minuu hyö puaksuh käytettih puhemiehenny , ku minul mugamas on libei kieli .
Erähän päivän illal meile tuli Zaverkan Timoi da rubei minuu kärttämäh puhemiehekse .Lubain lähtie , jos häi ostau minul palkakse kumakkupaij an .Häi lubai sen hommata .
‒ A kehbo lähtemmö sulhazikse ?
kyzyin .
‒ Lähtemmö Čylkyn Mašan luo , vastai Timoi .
‒ Silbo on kuuleman mugah ylen heikot silmät , varoittelin .
‒ Taki tyhjiä miero pagizou , lähtemmö vai , sanoi Timoi .
Illal myö navedimmo kaglah ruzetit da maršimmo Čylkyn Iivanan taloih , minä iel da Timoi minun peräs .Uksičupus minä rehvastellen sanoin :
‒ Terveh taloih !Enne myö käimmö muite , vai nygöi tulimmo sulhazikse .
Täs sanondas taloin vägi ihastui ylen äijäl , ku Mašal tuldih sulhazet .
‒ Hyvät vierahat , käygiä perembäkse , käygiä perembäkse !
kehoteltih meidy viežleväh luaduh .
Myö vedävyimmö suureh čuppuh stolan tuakse .Sie myö istuimmo kui herrat konzanah , da yritimmö ižändän ker iškie starinua midä misgi .A taloin emändy da Maša-neičoi ruvettih striäppimäh "sulhasväil " keitinpiirualoi .Maša liikui ylen terväzeh pliitan da stolan välii .
‒ A ken olloh nieglan lattiel sordannuh ?
sanoi Maša da nosti latties silmynieglan .
‒ Kačo , eihäi Maša ole sogei , ku nägöy nielgan lattien , čuhkai Timoi minun korvah .
Sil välil oli ižändy tuonnuh sulhazil stolah kaksi kal’l’ubutilkkastu .Joimmo prähkimmö .
‒ Pris , kaži , vai sinä , šmetku , stolal nouzet !
kirgai Maša da kolahutti piiruavärtinäzel butilkkoi .
Sit vaste myö höröstyimmö , štobi Mašahai on melgei umbisogei .
‒ Midä nygöi ruadua ?
Kačoimmo toine tostu silmätysten .
‒ Heity uruakse !
sanoin Timoin korvah .
Häi kapsahtihgi stolal da rubei lugemah katos oksii .Tukat pystys da silmät möllälläh häi kergei laskie niidy jo yheksähkymmeneh , ku ižändy minul hil’l’akkazeh kyzyi , mi nečil sulhazel nygöi rodih .
‒ No , händy toisinah riibuau , ku hänen piäkoppu ei ole ainos kunnos , sanoin .
‒ Vai muga !
Ga , urual kačo minä en tytärdy anna !sanoi ižändy .
‒ Ga , ku et anna , sanoin , ‒ ga sit ei naimiskaupas tule nimidä !
Minä viäldin Timoin lattiel .Häi koppai piiruajuodazen kainaloh da myö lähtimmö ylen raviezeh
‒ Hei , hei !kirgui ižändy meijän peräh .‒ Miksebo työ viettö piiruat ?
‒ A mis minä voizin hupsun meiningilöi tiediä !
kirruin minä vastah , samal ku työnin sižälih kal’l’ubutilkkua , kudai lähtökiirehes oli unohtunnuh kobrah .(Selvendyksekse tulgah täs mainitukse , što se nieglan löydämine oli edukädeh järjestetty , ku Maša oli kyläl käyves kuulluh tulos .)
Täl kerdua jäi minul kumakkupaidu suamatta .
Voittopuolel kuitengi jiädih magiet keitinpiiruat da kal’l’ubutilkku .
Peša Ruočin paginoi. Zaverkan Timoi da Ruočin Peša sulhastamas
карельский: ливвиковское наречие
Новописьменный ливвиковский
‒
‒