Тексты
Вернуться к списку | редактировать | удалить | Создать новый | История изменений | Статистика | ? Помощь
Tečin Šuura. OL’GA-BUABAN GOSTINDU
Tečin Šuura
OL’GA-BUABAN GOSTINDU
карельский: ливвиковское наречие
Новописьменный ливвиковский
Triššulas eläjes
kyvyn naiduu meijän talois elettih nuoret seinän tagua .Heil oli kaksi pertii peräkkäi , pordahat oldih kahtet täs talois .Kälyl oldih puaksuh sizär da muamah käymäs , gu hyö elettih Videles , ei loitton tiäpäi .Erähän pyhänpiän pastettih piirualoi .Kezäl , tiettäväine , päčin lämmittyy pertis on räkki .Avattih ikkun , ruvettih čuajuu juomah .Pihalgi oli ylen lämmin .Troppaine oli ikkunoin al , nähtäh astumas pihal Ol’ga-buabua .Kirruttih hänele :– Tule pertih , tule čuajule !Ol’ga-buabo eli täs kyläs , da muite kaikin suvaittih händy .Oli se hyvä naine , uskovaine , ihan Jumalahine ristikanzu .
– Tulen , nouzen pertih , vastuau buabo .
Annettih hänele ikkunalluo tila , valettih čuajuu , sanotah :
– Juo čuajuu , opi piirualoi , älä väčkä , viehäi olet omua randua .
Paistah , kudamidä taratellah , räkel čuaju menöy hyvin .
– Toinah en sordanuh muruu peredniekale , sanou buaboi .
– Pyhiä Il’l’ua on riähky sordua .
Vieldäy käil puhtastu omassah peredniekkastu .Nägi muruzen pienen dai lykkäi sen suuh buaboi .Iče sil aigua vongahtih .Kaikin kačotah häneh , mi nygöi rodih .Ol’ga-buabal suu avvoi on , a siepäi miliennöy pörähtih da ikkunaspäi pihale lendi .
Se oli pikkaraine puarmaine lendänyh pertih ikkunas da azetunnuh buaban peredniekale .A nygöi istuu akkurukku da sanou :
– Tiedäzittö , kui minul čahlou kieldy !Neče pieni puarmu kielen puri .A ičehäi omal käil panin gor’an suuh .Duumaičin leivän muruine on .
OL’GA-BUABAN GOSTINDU
карельский: ливвиковское наречие
Новописьменный ливвиковский
–
–