ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Karhu Santtu . Regipajo

Karhu Santtu

Regipajo

карельский: ливвиковское наречие
Новописьменный ливвиковский
Minä val’l’astan tulizen hevon
koivuizen korjaizen edeh,
Jovvun unohtamah mečän vevon,
hebuo ragaičen armahalluo.

Pajuo jorkotan udžvazeh meččäh,
korbi kajahtah loittozel torvel,
Ajan päiväizeh päi ozan eččoh,
hebuo ragaičen armahalluo.

Kuulen loittonsah, kohizou koski,
hevon val’l’ahis valuu jo vaski,
Tinagi rinnuksis tippuu,
konzu ohjuan armahalluo.

Korjan jallakset radžistah pellol,
bavvuttau kirikön kello,
Kuldoin kodi jo lähembi rodih,
hebuo ragaičen armahalluo.

Minä lasketan tulizen hevon,
konzu taivahal sytytäh tiähtet,
sulil sanoilgo vastuat, vai lähtet
pagoh paremban sulhazen luo.

A gu minule mučoikse tullet,
valgiekse vastinehekse,
Kučun kanazekse kuldazekse,
yskäs kerras jo miehoilah tuon.