ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Puškin Aleksandr . Talvi-ildu

Puškin Aleksandr

Talvi-ildu

карельский: ливвиковское наречие
Новописьменный ливвиковский
Bauhu hämyl tiähtii kattau,
Lumituisku pyörittäy,
Zvierin iänel ulvuo jatkau,
Buite lastu itkettäy,
Oppiu hapistunnuos levos
Olgikubuo čobaittua,
Buite myöhä tulii vevos
Ikkunua miän kobaittau.

Meijän lahon mökin čuppu
Igävissäh pimeni,
Mindäh sinä, vahnurukku,
Ikkunalluo hillenit?

Ollet bauhupajon kuultes
Vaivistunnuh ildusiäl,
Vaigo värtinäzen huoltes
Nukut kuožalizen piäl?

Juommo, sula armasruppi,
Minun nuorien vuozien kois,
Juommo tuskis, kus on kuppi?

Syväin vesselembi roih.
Lövvä pajoine, kui čiučoi
Meren tagan peziä luou,
Pajata, ku nuori čidžoi
Huondeszor’as vetty tuou.

Bauhu hämyl tiähtii kattau,
Lumituisku pyörittäy,
Zvierin iänel ulvuo jatkau,
Buite lastu itkettäy.

Juommo, sula armasruppi,
Minun nuorien vuozien kois,
Juommo tuskis, kus on kuppi?

Syväin vesselembi roih.

Kiändi Aleksandr VOLKOV