Iisusan enzimäzet opastujat
карельский: ливвиковское наречие
Новописьменный ливвиковский
35 Tossupiänny Iivan myös oli sil samazel kohtal, i hänenke oldih hänen kaksi opastujua.
36 Iisus astui siiriči. Iivan nägi sen i sanoi: "Kačokkua: Jumalan Vuonu"!
37 Konzu net opastujat kuultih Iivanan sanat, hyö lähtiettih Iisusale peräh.
38 Iisus kiändyi, i ku nägi heidy jälles astumas, Häi kyzyi: "Midäbo työ tahtotto"?
Hyö vastattih: "Ravvi", – se on meikse "opastai" – "kesbo Sinä elät"?
39 "Läkkiä, sit näittö", sanoi Iisus.
Hyö lähtiettih i nähtih, kes Häi eläy, i jiädih lopukse päiviä Hänenke.
Silloi oli nenga kymmenes čuassu.
40 Yksi niilöis, kudamat kuultih Iivanan sanat da lähtiettih Iisusale peräh, oli Andrei, Simon-Pedrin velli.
41 Häi enzimäzekse löydi oman vellen, Simonan, da sanoi hänele: "Myö lövvimmö Messien"! – se on Hristos.
42 Andrei vedi hänen Iisusan luo.
Iisus kačoi häneh da sanoi: "Sinä olet Simon, Jonan poigu.
Sinun nimekse roih Kifa" – se on Kallivo, Pedri.
43 Tossupiänny, konzu Iisus šuorii lähtemäh Galileih, häi löydi Hilipän da sanoi hänele: "Läkkä minunke".
44 Hilippy oli Vifsaidaspäi, sit samazes linnaspäi kui i Andrei da Pedri.
45 Hilippy löydi Natanailan da sanoi hänele: "Myö lövvimmö sen, kudamah näh Moisei kirjutti Zakonas da kirjutettih Jumalan iänenkandajat! Häi on Iisus, Josifan poigu Nazarietaspäi".
46 Natanailu sanoi: "Voibigo Nazarietaspäi vuottua midätahto hyviä"?
"Tule kačo", sanoi Hilippy.
47 Konzu Iisus nägi Natanailan tulemas Hänen luo, Häi sanoi: "Kačo, täs on toven izrail՚alaine! Hänes ei ole nimittumua kielahuttu".
48 "Misbo Sinä minuu tunnet"? kyzyi Natanailu.
Iisus vastai hänele: "Enne kui Hilippy kučui sinuu, minä näin sinuu smokvupuun al".
49 Natanailu sanoi: "Ravvi, Sinä olet Jumalan Poigu, Sinä olet Izrail՚an suari"!
50 Iisus sanoi hänele: "Sendähgo sinä uskot, ku sanoin, kui näin sinun smokvupuun al? Vie suurembua kummua suat nähtä".
51 I Häi jatkoi: "Toven, toven sanon teile: työ roittokseh nägemäh taivahan avvoi da Jumalan anheliloi yläh-alah liikkumas sil kohtua, kus Ristikanzan Poigu on".
Иоанн 1:35-51
русский
35 На другой день опять стоял Иоанн и двое из учеников его.
36 И, увидев идущего Иисуса, сказал: вот Агнец Божий.
37 Услышав от него сии слова, оба ученика пошли за Иисусом.
38 Иисус же, обратившись и увидев их идущих, говорит им: что вам надобно?
Они сказали Ему: Равви́, — что значит: учитель, — где живешь?
39 Говорит им: пойдите и увидите.
Они пошли и увидели, где Он живет; и пробыли у Него день тот.
Было около десятого часа.
40 Один из двух, слышавших от Иоанна об Иисусе и последовавших за Ним, был Андрей, брат Симона Петра.
41 Он первый находит брата своего Симона и говорит ему: мы нашли Мессию, что значит: Христос;
42 и привел его к Иисусу.
Иисус же, взглянув на него, сказал: ты — Симон, сын Ионин;
ты наречешься Кифа, что значит: камень (Петр).
43 На другой день Иисус восхотел идти в Галилею, и находит Филиппа и говорит ему: иди за Мною.
44 Филипп же был из Вифсаиды, из одного города с Андреем и Петром.
45 Филипп находит Нафанаила и говорит ему: мы нашли Того, о Котором писали Моисей в законе и пророки, Иисуса, сына Иосифова, из Назарета.
46 Но Нафанаил сказал ему: из Назарета может ли быть что доброе?
Филипп говорит ему: пойди и посмотри.
47 Иисус, увидев идущего к Нему Нафанаила, говорит о нем: вот подлинно Израильтянин, в котором нет лукавства.
48 Нафанаил говорит Ему: почему Ты знаешь меня?
Иисус сказал ему в ответ: прежде нежели позвал тебя Филипп, когда ты был под смоковницею, Я видел тебя.
49 Нафанаил отвечал Ему: Равви́! Ты Сын Божий, Ты Царь Израилев.
50 Иисус сказал ему в ответ: ты веришь, потому что Я тебе сказал: Я видел тебя под смоковницею; увидишь больше сего.
51 И говорит ему: истинно, истинно говорю вам: отныне будете видеть небо отверстым и Ангелов Божиих восходящих и нисходящих к Сыну Человеческому.