Тексты
Вернуться к просмотру | Вернуться к списку
Jumalan Poijale annettu valdu
История изменений
20 февраля 2023 в 15:27 Нина Шибанова
- создал(а) текст
- создал(а) перевод текста
- создал(а) текст: 19 Iisus sanoi jevreilöin vahnimile nenga: «Toven, toven sanon teile: ei Poigu voi nimidä luadie ičessäh, Häi luadiu vai sidä, midä nägöy Tuattua luadimas. Midä Tuatto luadiu, sidä i Poigu luadiu. 20 Tuatto suvaiččou Poigua i ozuttau Hänele kai, midä iče luadiu; Häi ozuttau Poijale vie suurembiigi ruadoloi, moizii, kudamii kummeksitto. 21 Kui Tuatto nostau kuolluot da andau heile elaijan, mugai Poigu andau elaijan, kelle Häi tahtou. 22 Tuatto ei suudi nikedä, a on andanuh kaiken suvvonvallan Poijale, 23 ku kaikin kunnivoittas Poigua muga, kui kunnivoijah Tuattua. Ken ei kunnivoiče Poigua, se ei kunnivoiče Tuattuagi, kudai Händy työndi. 24 Toven, toven sanon teile: ken kuundelou minun sanua da uskou minun Työndäjäh, sil on ilmanigäine elos.^ Häi ei rodei suudittavakse, a on jo piässyh surmaspäi elokseh. 25 Toven, toven sanon teile: roih aigu – i se on jo nygöi – konzu kuolluot kuultah Jumalan Poijan iäni.^ Net, kudamat kuultah, ruvetah elämäh,| 26 sikse gu kui Tuatto on eloksen andai, mugai Poijas luadii eloksen andajan| 27 da andoi Hänele i suvvonvallan, ku Häi on Ristikanzan Poigu. 28 Älgiä kummeksikkua tädä! Tulou aigu, konzu kaikin kalmoisolijat kuultah Jumalan Poijan iäni 29 da nostah kalmoispäi: hyviä luadinuot – ilmanigäzeh elokseh, pahua luadinuot – suudittavakse».