Тексты
Вернуться к списку | редактировать | удалить | Создать новый | История изменений | Статистика | ? Помощь
Balakirev Nikolai. Riižoi Kol’a
Balakirev Nikolai
Riižoi Kol’a
карельский: собственно карельское наречие
Новописьменный тверской
Kol’alla
ei männyn opaššunda : vain -vain nellä kluassua šai loppie .Kuni urokalla Kol’an piäššä hormat šanat kiändiäčetäh karielakši , a karielazet hormakši hiän unahtau mih näh i pagina mänöy .Učiitel’alla harvah šai iznessie Kol’an otviettoida .Muamoh haukku Kol’ua :
– Rahvahan lapšet loppietah oman školan da linnah uijitah opaštumah , šinne i ruavolla jiähäh , a šie et kehan opaštuo nin röhmöššä kaikki igä kolhozašša .
Kol’a muamolla h :
– I röhmöššän , mie linnua en šuače , omua kyliä šuačen .
Školan jälgeh enžisti ruado hebozilla , šiidä traktoristakši opaštu .Šeiččimehtoizeh vuodeh lieni briha kun briha : ilmoin ruadaja , vägehine .Ka vain – riižoi da kirčanenä , da kurviččua vähäne iholla , a vielä ...– iänetöin .
Nu i midä ?– Vähä go hänen nävöstä brihaččuo karieloilla keššeššä on ...
A vähä go iänettömiä !
Paistih , yheššä kyläššä oli brihačču , vuuvet šillä jo toizeh kymmeneh lähtei , a ni muamo h , ni tuatto h , niken pereheššä vielä ni yhtä šanas’t’a häneštä ei kuuldu .Kaikilla mieleššä : brihačču – mykkä .Kerran , konža vanhemmat ruattih pellošša , kačotah – hyppiäy hein luoh mykkä poiga i ravajau :
– Palamma , palamma !Miän kyly palau !
Roditel’at ihaššuttih .Muamo h šilmie ristiy :
– Rahvaš , kaččokkua myttynäzen miilostin Jumala ando – poiga rubei pagizomah !– hyppiäy vaštah , kabui , piähyttä silittäy .
– Konža šie , varane , opaššuit pagizomah ?
A že hänellä :
– Mie nagole mahoin , vain eulun mih näh paissa .
Kohaldi šanuo nin tukin da kurviččazin tuačči Kol’a eulun tuškeudun , toine diela – tytöt .Vähättävä heidä Kolhozah jäi . Enämmät linnoih uijittih . Kumbazet tytöt jiädih , ne omih brihoih ei kehattu i kaččuo .
Ana murrellah nenie , Kol’a vuotti studentoida Kolašnikovan tehnikumašta .Šielä opaššuttih yhet tytöt .Jogo vuotta sent’abr’alla heidä työnnettih kolhozah auttamah kerätä muajuablokkua .Ne tytöt oldih toista "sortuo ", ei kun miän ken go mie "kikkapiät ".(Näin duumaičči Kol’a .)
I šinä vuodena kolašnikkovoine tuldih aijalleh .
Enžimäzenä že päivänä pellošša Kol’a zamietti hyväččäzen studentazen , konža omalla traktoralla kopalkua vedeli vagozie myöt’ .Illalla klubašša ennen kinuo tuaš hänen dogadi i kökšähti skammilla tyttözellä reunah .
Ruvettih ožuttamah kinuo , vain ei mäne kino Kol’alla ni šiämeh , ni piäh .Vaivuš otti Kol’an käzih : ei tiijä kuin pagautaldua susiedua .
Niin i muokkuači kinon loppuh šua . Konža rahvaš jo klubašta lähtei pihalla , Kol’a rohkei : fatti omalla kobralla tyttözen kyngäštä i kahistunnuolla iänellä kyžyy :
– Как зовут ? (Kuin kučutah ?).
Že hänellä :
– Лена (L’ena ).
"Mintän vaštah ei kyžy kuin milma kučutah ?
– hulpettau Kol’a , – ušto ei äijäldi himota tiijuštua , a -a -a , midä l’uubo liekkäh , kyžyn lähtöy go miunke gul’aimah ".
– Пойдешь гулять ?
(Lähet gul’aimah ?)
– Пойду , (Lähen ) – kerdah soglasieči L’ena .
Viijittih pihalla .Reunakkeh lähtei uuliččua myöt’ .L’ena loppomatta pagizou tehnikumah näh da šiäh näh , kuin šanotah – midä piäh tulou ,a Kol’a iänettä kaččou häneh omilla sinizillä šilmillä valgeizissa ripčizissä .A šilmät hänellä , kuin horma šanois’ , "светятся любовью " ("svet’ats’a l’ubov’ju ").
Ei kiirehtän doijittih Ignon peldoaittah šua .Vihmane rubei čihmerdämäh .L’ena liččuači Kol’an kylgie vaš .Kol’a pietty ...pyörähti ihočči L’enah .Pani omat traktoristan kopčat tytön huonovazilla olgupiälöillä ...da kun paukahtau :
– Дай рот (Anna šuuda )!
Tyttözellä šomazet šilmäzet kiirissyttih .
– Пойдём под амбар (Aššu peldoaitan alla )!
– lizäi Kol’a .
L’ena ku-u-in čilkuau Kol’ua nägyö vaš , šillä äš tuliliipukkazet šilmistä lähtei lendoh .Konža brihačču havaštuači , nägöy : tyttö jo edähäzenä bizbettäy školah päin , šielä elettih studentat .
Kol’a šeizo ouvoštun :
– Ušto en niidä šanoida šanon hormakši , kumbazie himotti šanuo .La-a-dno , väliän lähen sluužimah armiih , šielä väliän miun nägözie hormakši opaššetah .Tulen otpuskah formissa značkoinke nin löyvän L’enan .Kačomma šilloin , rubieu go miušša vigua nägömäh .
Kol’a enžimen omašša ijäššä tämän pidahuon rečun šano i žen vain ieššä iččiellä .Ni yhtä kuundelijua tyhjälla uuličalla eulun .Vihma lizäi .Hämärdy .Kaikki rahvaš peityttih kodiloih .
– Brihat , paremmin opaštukkua školašša ruskii jazik !
Riižoi Kol’a
карельский: собственно карельское наречие
Новописьменный тверской
–
–
–
–
–
–
–
–
–
Балакирев Николай Михайлович
Рыжий Коля
русский
-
-
-
-
-
-
-
-
-