Тексты
Вернуться к списку | редактировать | удалить | Создать новый | История изменений | Статистика | ? Помощь
Balakirev Nikolai. Vorat
Balakirev Nikolai
Vorat
карельский: собственно карельское наречие
Новописьменный тверской
Myöhä
, jo Pokrovoin aijoilla , työnnettih Zaluazinan MTS :šta kyläh traktoran molotilkanke auttua kolhoznikoilla puija jälgimäzet leivät , kumbazie vielä ei kerritty käzillä puija .
Päivän puidih .Illalla traktorista Sandra , Mairinan mužikka , vakušti brigadiralla työndiä storoža , kumbazella hiän yökši sdaiččou traktoran .A kedä brigadiralla Jel’alla vardeimah traktorua työndiä , kun kaikin ylči päivän ruattih ?
– Vain jo omahine lähtennöy ? – hulpettau Jel’a . – Muatko kodimailla oli , nuattiloida järitti , hänen i työnnän .
Mar’u ei otkažin Jel’alla .Rubei šuoriečomah .Vunukka :
– Baba , mie šiunke .
– Et lähe , on vilu . Niät , mie tuluppua keralla otan .Urokkoida luaji .
– Jo mie luajin .
buabo h :
– Luve bukvarie čikolla š .Niät , šilma vuottau stolan tagana .
Mar’u šuorieči i läksi F’odorovan puun’an luoh , missä puidih liyhtehie .Šielä yksin Sandra traktoran luona hydäjäy .Mar’u tuli läššemmä :
– Zdorov .
Sandra :
– Zdorov , zdorov !Šiun min go storožakši työnnettih ?
– Miun ... A kedä vielä šiula pidäy ?
– Eu ružjua nin hot’ siizima ois’ pidän ottua , storoža , – vingalleh kačahti Sandra midä on Mar’ulla käzissä .
A Mar’ulla vain tuluppa kainalošša ličattu , a käzissä daže pualikkua eu .
Sandra :
– Min šiunke ruat ?Kačo , elä magua .Nyt rahvahalla karasinua i piiguloih eu , mogut tulla bakah .Karasinan mie mittain .
Mar’u :
– Mäne Jumalakši , kaikki liey hyvin .
Sandra uidi kodih , Mairinah , a Mar’u pani piällä tulupan i istuoči olgiloilla närtie vaš .Šiä rubei rikkuočomah , zavodi čihmerdiä .Ynnäh pimeni .Mar’u kuobi närtissä noran i tagaperäzin šinne sadieči , olgupiällä vain piä jäi .
Äijä go , vähä go aigua mäni , Mar’u jo vrode kun n’ukkeudu i täššä toli unissa ali ilmissä kuulou ket ollou tullah .Storoža hörpisty .Yksi toizella šanou :
– Elä varaja , vähäzen otamma , nin ken tiijuštau ?
Toine hänellä :
– A Mar’u -čikko ?
– Hiän jo maguau täh aigah .
Mar’u iččiellä : "O -oh , tuttavat iänet , miän brihoin ".Ravahti :
– Ei !Ken šielä ?– I viidiy norašta .
Tuldih : endizen predan San’a (tuatto h mulloin frontalla uidi ) da nygyzen predan poiga – Pet’a .Pakotah :
– Mar’u -čikko , nedelin piäh meidä frontalla otetah , prizivua gul’aičemma .Lampa klubašša šambu , karasinua eu .Otamma bakašta puoliskollizen .
– En , varat , anna . Lähtiessä Sandra mittai karasinat i vakušti vardeija , štobi niken ei sadiečis’ bakah libo kranah .Elgiä vedäkkiä ni milma , ni iččiedä riähkih .
Brihat :
– Mar’u -čikko , vet’ i šie olit nuori , himottais’ meilä lähtiessä voinah rahvahin rukah gul’aičeldua .
– O -o -oh ! O -o -oh !Midä teinke ruadua ?Ottakkua puun’ašta längilöin luoda ohjakšet da šidokkua miula kiät i jallat .Kekšinnöy Sandra , što karasinua on otettu , nin šanon , rozboiniekat piädä vaš ožattih da nuoralla miun šivottih , a midä voruidih en tiijä .
Brihat kabaloidih akan , otettih karasinat , šanottih Mar’ulla kebiedä tervehyttä i kavottih pimieh .
Mar’u ei n’ukahtan kaiken yön .Huomnekšella tuli Sandra :
– Maguat , storoža ?– i ... bakah , mittuamah – Šie litran svisniit ?– ravizou Sandra traktorašta .
– En mie . Yöllä ken ollou paugai milma piädä vaš jygiellä , mie mielen kavotin .Havaštuačin , kiät i jallat šivotuot , nikedä eu .Keritä nuora .
Sandra :
– Valehtelet !Mie sel’soviettah .Nuoran iče š kerität , - i vähiä ei hypyllä uidi .
Mar’u goreudun tuli kodih , kaiken prauvan šano min’n’alla .Že äššen käzillä plačkai :
– O -o -oh , midä ruavoit !Šie Sandrua et tiijä , vet’ Tolmačun milicih läksi zvonimah .
Jel’a uidi pravlen’jah .Kodih tuli vain keškipäivällä vielä enämmäldi rastrojičen .Mar’u hänellä :
– Elä jo räisky šezih rukah miun tuačči , vet’ tyrmäššä šyötetäh .Ka vain ei tiijuššettais’ , što karasinat brihat otettih .
Ei kerrin Jel’a riiččiečie , kun ikkunaluššalla telegä tarahti .Naizet kačotah : telegäštä šolahti vägi ruavaš milisnera i läksi oviloih .Jel’a hänellä vaštah .Tuldih pertih .Milisnera kohaldi Mar’uh .Šanou hänen familjan , nimen , otčestvan i kyžy :
– Это Вы будете ?
Mar’u hänellä :
– Я .
– Вы арестованы , одевайтесь . Едем в милицию .
Mar’u Jel’alla :
– Anna leibiä kannikkane i jäiččiä kakši .Konža vielä murginoitetah ?
Mar’u šuorieči , Jel’a šydäi hänellä käzih uzlazen , risti muatkon i kyynelet hänellä pirahettih .
Kuni ajettih Tolmaččuh Mar’u moničči kuotteli zavodie paginua milisneranke i hormakši i karielakši .A že kuin mykkä – vaštah ni yhtä šanua .Vain jo läššä Tolmačun ando iänen , ynnäh vuottamatta – karielakši :
– Miula arestantoinke ei voi paissa .
Mar’u äššen nagramah :
– Moni meččiä ajoma .I mečäššä ei voi paissa ?
Milisnera vaštah burahti :
– Ei voi .
Tolmačušša hiän šuatto arestantan načal’nikan oveh šua , avai oven i karidorašta :
– Товарищ начальник милиции , Ваше приказание выполнено , арестованная доставлена .
Že vaštah :
– Ко мне её .Вы свободны .
Mar’u mäni :
– Здравствуйте .
– Здравствуйте , здравствуйте , бабушка . Вот стульчик , садитесь и рассказывайте , что случилось , куда литр керосина из трактора исчез ?
Mar’u rubei šanomah , kun rozboiniekat ožattih händä piädä vaš da ših rukah , što i puametin kavotti .Milisnera pietti hänen :
– Довольно , довольно , бабушка .Снимите платок .Покажите , в какое место по голове тяжелым ударили ?
Mar’u kämmenellä läpšäi piälakkua vaš :
– Сюда .
Milisnera :
– O-o , о-о !Вот беда .– I Mar’un luoh . – По макушке говорите ? – I kuottelou piälakkua Mar’un … šiidä kun paugau kulakolla stolbua vaš .– Врешь , старая ! Ты керосин украла !В тюрьму пойдешь !
Täššä Mar’u kaikki i šano midä oli .Načal’nikka avai oven i ravahti :
– Дежурный , в КПЗ её !
Mar’un lukuttih tyhjäh komnattah , yhenke pal’l’ahanke topčananke .Mar’u istuoči topčanalla i iänellä itkömäh :
– Kačuo midä mie rua-a-avo-oin !Vet’ issutin brihat tyrmä-äh !
Kodvan istu , itki da ei kekšin kuin venyttiäči i magai ših šua , kuni ei avattu huomnekšella komnattua .Tuli že -že ruavaš milisnera :
– Вставай , ступай домой .
Mar’ulla ei i vierieče , što kodih laškei :
– Куда ?Домой ?Вот спасибо , вот спасибо !– A šiidä karielakši , – Anna Jumala šiula tervehyttä !
Hänellä vaštah :
– Иди , иди домой .
Mar’u kuužitoista virštua jalgazin pläkytti , tuli kodih .Vunukat kočitah ymbäri buabošta :
– Baba tuli !Baba tuli !
Min’n’a :
– Neušto laškei ?
– Laškei že laškei , da ka brihat podvediin . Ušto issutetah hiät …
Issutettih San’an i Pet’an , annettih puolin vuožiloin meččiä šordua .Šieldä kohaldi frontalla lähtei .Vojuidih .San’a voinan jälgeh vielä kakši vuotta sluuži .Tuli kodih seržantana , medaliloinke .Mar’u kuin vain dogadi hänen :
– San’a , šie tuškeudun et go ole täh šua miun piällä , što issutin mie šiun tyrmäh ?
A San’a hänellä :
– Midä šie , Mar’u -čikko !Možo šiun tuačči i eloh jäin .Tyrmäštä aivis’ bojuloih popadiin , ennen milma miän vzvodašta puolet eloh jiännyn oldih , da miun aigah enžimäzissä päivissä kakši salduattua tapettih , a miun ruanittih .
Mar’u :
– Nu hyvä .Passibo šiula .A Pet’a vielä znai sluužiu ?
– Sluužiu . Myö toine toizella kirjoida työnnämmä harvazeh .Pet’a vet’ učiiliščua jo lopettelou , liey komandirana .
– Da miula muamo h pagizi . Kaikkie šiula hyviä , San’a .Ole ožakaš .Čai väliän naimah rubiet ?
San’a rubei nagramah :
– Šiun , Mar’u -čikko , ob’azatel’no suad’bah kučun .
Vorat
карельский: собственно карельское наречие
Новописьменный тверской
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Балакирев Николай Михайлович
Воры
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–