Тексты
Вернуться к списку | редактировать | удалить | Создать новый | История изменений | Статистика | ? Помощь
Et käraukoiš grähkišpäi, ka kolet
Et käraukoiš grähkišpäi, ka kolet
вепсский
1Sen
aigan tuliba erased mehed Iisusannoks . Hö sanuiba hänele neniden galilejalaižiden polhe , keda Pilat oli käsknu rikta , konz hö paniba žertvoid altarile , i muga mehiden veri oli segoitanus žertvživatoiden verenke .2Iisus sanui heile : "Meletat-ik , miše hö oliba grähkhižembad mi kaik toižed galilejalaižed , ku saiba mugoižen lopun ? 3Ka ei – sanun minä teile – no ku et käraukoiš grähkišpäi , ka tö kaik mugažo kolet . 4A kutak ned kahesatoštkümne , kudambad koliba , konz Siloaman bašn’ lanksi heiden päle ? Meletat-ik tö , miše hö oliba grähkhižembad kaikid toižid jerusalimalaižid ?5Ka ei – sanun minä teile – no ku et käraukoiš grähkišpäi , ka tö kaik mugažo kolet ."
6Sid’ Iisus sanui mugoižen ozoitezstarinan : "Erasel mehel vinpusadus kazvoi smokvanpu . Hän mäni ecmaha sil ploduid , no ei löudand .7Siloi hän sanui sadunkacujale : "Jo koume vot kävuin ecmaha ploduid neciš puspäi , no en löudand . Čapa pu , sikš ku se vaiše otab vägen maspäi ."8No sadunkacui sanui : "Ižand , jäta se völ vodeks .Minä rohlenzoitan mad i panen heret ümbri pus .9Voib olda se tob ploduid . Ku ei to , ka udel vodel käsked čapta se ."
Et käraukoiš grähkišpäi, ka kolet
вепсский