Тексты
Вернуться к списку | редактировать | удалить | Создать новый | История изменений | Статистика | ? Помощь
Midä maksab olda Iisusan openikan?
Midä maksab olda Iisusan openikan?
вепсский
25Iisusanke
astui sur’ rahvazkogo . Hän kärauzihe i sanui heile :
26«Ku ken-se astub minunke , no navedib mindai vähemba ičeze tatad i mamad , akad i lapsid , vellid i sizarid , i völ ičeze kodielod , ka hän ei voi olda minun openikan . 27Ken ei kanda ičeze ristad i ei astu minun jäl’ghe , hän ei voi olda minun openikan . 28Ku ken-se teišpäi zavodib leta bašn’ad , ka hänele tarbiž išttas i lugeda , täudub-ik hänele rahoid , miše leta se lophusai . 29No voib olda muga-ki , miše konz hän tegeškandeb alandusen , hänel lopiše rahad , i rad jäb kesketi . Siloi kaik , ked necen nägeba , zavodiba nagrda händast :30„Kac om mez’ ! Zavodi tehta , no jäti kesketi .
31Vai ku kunigaz lähteb voinale tošt kunigast vaste , ezmäi hänele tarbiž išttas i meletada , voib-ik hän kümneltuhal saldatal vägestada tošt kunigast , kudambanke linneb kaks’kümnetuhad saldatad .
32Muite hän oigendab vestinkandajid pakičemha kožmust , konz se toine kunigaz om völ edahan .
33Muga tö-ki : ku et erigakoi kaikespäi , midä teil om , ka tö et voigoi olda minun openikoin .
34Sol om hüvä . No ku sol kadotab ičeze vägen , mil voib möst tehta se solakahaks ?35Se ei kožu nikuna , ei pöudho i ei herekogoho . Se tarbiž tacta .Kenel oma korvad kulda , ka se kulgaha !»
Midä maksab olda Iisusan openikan?
вепсский