Тексты
Вернуться к списку | редактировать | удалить | Создать новый | История изменений | Статистика | ? Помощь
Jevreit peitoči paistah tappua Puavilua
Jevreit peitoči paistah tappua Puavilua
карельский: ливвиковское наречие
Новописьменный ливвиковский
12 Huondeksel
jevreit peitoči kerävyttih da annettih sana olla syömätä dai juomata , kuni ei tapeta Puavilua .
13 Miehii , kudamat annettih tämä sana , oli enämbi n՚elliäkymmendy .
14 Hyö mendih ylimäzien pappiloin da rahvahan vahnimien luo da sanottih : "Myö annoimmo lujan sanan , emmo ota nimidä suuh , kuni emmo tappane Puavilua .
15 Sanokkua nygöi työ N՚evvokunnan nimes piälliköle , ku häi työndäs Puavilua teijän luo , buitegu tahtotto parembi tiijustella hänen dielon . Myö olemmo valmehet tappamah händy , enne ku häi piäzöy tänne ".
16 No Puavilan sizären poigu tiijusti tämän . Häi meni kazarmah , piäzi Puavilan luo da saneli hänele kai .
17 Puavil kučui yhten suanpiällikkölöis da sanoi hänele : "Vie tädä nuordu miesty piällikön luo . Hänel on sanottavua piälliköle ".
18 Suanpiällikkö otti nuoren miehen , meni piällikön luo da sanoi : "Kiiniotettu Puavil kučui minun da käski vediä tämän nuoren miehen sinun luo . Hänel on sanottavua sinule ".
19 Piällikkö otti nuoren miehen käis , vedi bokkah da kyzyi : "Midäbo tahtot sanuo minule "?
20 Nuori mies vastai : "Jevreit paistih kyzyö sinul , ku sinä tuozit Puavilan huomei N՚evvokunnan edeh , buitegu se tahtos parembi tiijustua hänen dielon .
21 Sinä älä luadei sih , ku enämbi n՚elliäkymmendy jevreidy vuotetah händy peittokohtas . Hyö annettih luja sana eigo syvvä , eigo juvva , kuni ei tapeta Puavilua . Hyö ollah jo valmehet , vai vuotetah sinun sanua ".
22 Piällikkö sanoi nuorele miehele : "Älä nikelle sano , gu avait tämän minule ". Sit häi työndi nuoren miehen iäres .
Jevreit peitoči paistah tappua Puavilua
карельский: ливвиковское наречие
Новописьменный ливвиковский