Тексты
Вернуться к списку | редактировать | удалить | Создать новый | История изменений | Статистика | ? Помощь
Bauhu merel
Bauhu merel
карельский: ливвиковское наречие
Новописьменный ливвиковский
13 Nouzi
pieni suvituuli , i merimiehet duumaittih : se nygöi täh i pidi . Nostettih juakkuri da matkattih ihan lähäl Kritan randua .
14 Kodvazen peräs suaren yli kahahtih kova tuuli , sidä sanotah vie koilline tuuli .
15 Se tuuli tembai laivan omah valdah , i ku laivu ei voinnuh mennä vastutuuleh , annoimmo sille oman vallan da heityimmö tuulele kanneltavakse .
16 Konzu piäzimmö tyynembäh kohtah Kauda-suaren tuakse , suuren gor՚anke meil puutui suaha käzih laivan peräh sivottu veneh .
17 Konzu veneh oli nostettu laivah , merimiehet sivottih laivas ymbäri nuorat , ku se ei levies . Hyö varattih , laivu puuttuu Sirtan madalikole , sendäh lykättih ajojuakkuri mereh i muga ajelendu jatkui .
18 Gu tuulen bauhu riehkii laivua , merimiehet tossupiänny ruvettih lykkimäh mereh vedämizii .
19 Kolmandennu päivänny hyö omil käzil lykittih mereh laivan vehkehet .
20 Gu äijän päiviä ei nägynyh ni päivästy , ni tiähtii taivahas da kova bauhu ei alevunnuh , niken meis ei uskonuh , piäzöy hengih .
21 Rahvas oldih syömättäh jo äijän päiviä . Sit Puavil nouzi heijän keskes da sanoi : "Teile , miehet , pideli kuulta minun sana da ei lähtie Kritalpäi , sit teil ei ollus nengomii ozattomuksii da elon kaduomizii .
22 A nygöi kehitän teidy pyzymäh lujannu , niken teis ei menetä hengie , vai laivu uppuou .
23 Mennyt yön , näit , minun rinnal seizoi Jumalan anheli , Hänen , kudaman oma minä olen da kudamale minä sluužin .
24 Anheli sanoi minule : "Puavil , älä varua .
Sinä vie roittos seizomah keisarin ies , i Jumal omas hyvyös piästäy i kaikkii sinunke matkuajii hengih ".
25 Sendäh , miehet , älgiä varakkua ! Minä pien nad՚oužan Jumalah , gu roih muga , kui minule sanottih .
26 Meidy vie lykkiäy kudamaletahto suarele ".
27 Tuli n՚ellästostu yö , a allot vai kanneltih meidy Adrian merel .
Nenga puolen yön aigua merimiehet arvattih : nygöi lähenemmö muadu .28 I konzu hyö miärättih meren syvys , se oli kaksikymmen syldy .
A vähän matkan mendyy , konzu miärättih uvvessah , oli jo viizitostu syldy .
29 Hyö varattih , ku laivua ei taikkuas kivilöih , sikse lykättih peräspäi vedeh n՚elli juakkurii da molittihes , gu tulis valgei .
30 Merimiehet opittih pajeta iäre laivaspäi , heitettih veneh aldoloile , buitegu tahtottih laivan n՚okas lykätä vedeh juakkurit .
31 No Puavil sanoi suanpiälliköle da saldatoile : "Ku nämä miehet ei jiädäne laivah , työ etto voi jiäjä hengih ".
32 Sit saldatat leikattih venehen nuorat da piästettih se välläle .
33 Vähästy enne päivännouzuu Puavil kehitti kaikkii syömäh . "Tänäpäi on n՚ellästostu päivy , ku oletto vuottanuh pöllästyksis da syömättäh , murun suuh talumattah .
34 Sikse kehitän teidy syömäh . Se teile pidäy , ku piästä hengih . Nikel teis ei paku piäs ni yksi tukku ".
35 Sen sanottuu , Puavil otti leivän , kiitti Jumalua kaikkien aigah , lohkai sen da rubei syömäh .
36 Kaikin rohkevuttih da ruvettih syömäh .
37 (Meidy oli laivas kaikkiedah kaksisadua seiččiekymmen kuuzi hengie ).
38 Konzu kaikin syödih kylläl , merimiehet allettih kebjendiä laivua , lykittih vil՚l՚at mereh .
39 Päivän nostuu hyö ei tunnustettu ies olijua muadu , vai nähtih lahti , kudamas oli peskurandu . Hyö sovittih ohjata laivu sinne , ku voinnou .
40 Merimiehet leikattih juakkurinuorat da jätettih juakkurit mereh , hyö piästettih perämelat nuoris , nostettih n՚okkupurjeh tuuleh da ohjattih laivu randahpäi .
41 No hyö puututtih peskumadalikole da annettih laivale karahtuakseh sih .
Laivan n՚okku tartui meren pohjah da azetui , a perä rubei murenemah , ku allot sidä perrettih .
42 Saldatat tahtottih tappua kiiniolijoi , ku niken heis ei piäzis pagoh uidajen .
43 A suanpiällikkö tahtoi piästiä Puavilua i azetti heidy .
Häi käski kaikile , ket maltetah uidua , hypätä enzimäzikse vedeh da uidua randah .44 A dostaliloil pidi piästä randah kel lavvoin vuoh , kel mintahto muun vuoh , midä jäi laivas .
Muga kaikin piästih randah .
Bauhu merel
карельский: ливвиковское наречие
Новописьменный ливвиковский