Тексты
Вернуться к списку | редактировать | удалить | Создать новый | История изменений | Статистика | ? Помощь
Küzund eläbzumižen polhe
Küzund eläbzumižen polhe
вепсский
27Iisusannoks
tuliba erased saddukejad , kudambad sanuba , miše eläbzumišt ei ole . Hö küzuiba hänel :28«Opendai , Moisei om kirjutanu meile muga : „Ku miččel-se mužikal koleb vel’l’ lapsetoman i jäb ak , ka sille mužikale tarbiž otta vellen akan mehele i tehta laps’ vellele .
29Oli seičeme velled . Vanhemb vel’l’ nai i koli lapsetoman .30Toine vel’l’ oti hänen akan mehele , no hän-ki koli lapsetoman , 31sid’ koumanz’ nai , i muga naiba kaik seičeme toine toižen jäl’ghe . Hö kaik koliba lapsitomin .32Lopuks ak-ki koli . 33Kenen akan hän linneb , konz kaik eläbzuba ? Ved’ hän om olnu kaikiden seičemen akan .»
34Iisus sanui heile : «Neciš mirus naidas i mändas mehele . 35No hö , kudambid lugetas arvokahikš elämaha tulijas aigas , konz kollijad eläbzuba , siloi ei mängoi enamba mehele i ei naigoi . 36Hö ei voigoi enamb kolda , sikš ku hö oma angeloiden vuiččed . Hö oma Jumalan lapsed , sikš ku Jumal om eläbzoitnu heid .
37A sen , miše kollijad eläbzuba , om ozutanu völ Moisei starinas süttunuden ternanpenzhan polhe . Siš hän sanub , miše Ižand om Avraaman Jumal , Isakan Jumal i Jakovan Jumal .
38No hän ei ole kolnuziden Jumal , vaiše eläbiden . Hänen täht kaik oma eläbad .»
39Erased käskištonopendajad siš sanuiba : «Hüvin sanuid , opendai .»
40Niken enambad ei rohtind küzuda hänel nimidä .
Küzund eläbzumižen polhe
вепсский