ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Jevreit da Zakon

подкорпус: библейские тексты

Источник:
Uuzi Sana, 2003, с. 193-194

Kirjaine Riimalazile.

Jevreit da Zakon

карельский: ливвиковское наречие
Новописьменный ливвиковский
17 Vot sinä sanot iččie jevreikse, sinä riput Zakonas da löyhkät Jumalal. 18 Zakonan vuoh sinä opastuit tundemah Hänen tahton da tiijustit, mi on paras. 19 Sinä uskot, buite olet sogieloin viettelii, olet pimies eläjien valgei, 20 tiedämättömien n՚evvoi da ellendämättömien opastai, kerran sinul on Zakonah kirjutetunnu tiedo da tozi. 21 Muidu sinä opastat, a miksebo et opasta iččiedäs? Sanot: ei pie varrastua, a miksebo sit iče varrastat?

22 Sanot: ei pie kävvä vierahih akkoih, a miksebo sit iče kävyt? Sinuu tylgäitetäh valehjumalat, miksebo sit kiškot heijän kodiloi?

23 Kuibo sinä löyhkät Zakonal, a huiguat Jumalua sil, gu menet Zakonua vastah?

24 Onhäi Pyhis Kirjutuksis sanottu: "Teijän täh Jumalua tundemattomat rahvahat nagretah Jumalan nimie".

25 Ymbärileikkuandu on hyväkse, gu noudanet Zakonua. No gu mennet Zakonua vastah, sinä ymbärileikattu olet gu ymbärileikkuamatoi.

26 Gu ymbärileikkuamatoi noudanou Zakonan käskylöi, eigo sit pidäs pidiä händy ymbärileikatunnu?

27 Ken on rungači ymbärileikkuamatoi, a yksikai noudau Zakonan käskylöi, suudiu sinuu, kudai menet Zakonua vastah, hos sinul on kirjutettu Zakon da olet ymbärileikattu.

28 Tozi jevrei ei ole se, kudai on jevrei ulgonpäi kaččojen, eigo tozi ymbärileikkuandu ole se, kudai nägyy ulgonpäi rungas. 29 Tozi jevrei on se, kudai on sydämeči jevrei, i tozi ymbärileikkuandu on sydämen ymbärileikkuandu, kudamua ei voi luadie Zakon, a voibi vai Hengi. Moine jevrei suau kiitändän Jumalas, ei rahvahis.

3:1 Midä hyviä sit on olla jevreinny da midä abuu on ymbärileikkuandas?

2 Äijy da kaikenjyttymiä! Enzimäzikse se, gu Jumal andoi oman sanan heijän käzih.

3 No hos erähät ei oldu suremattomat, ei taki se riko Jumalan suremattomuttu?

4 Tiettäväine, ei! Oldahes hos kai rahvas muanittelijat, Jumal yksikai ei muanita. Onhäi Häneh näh sanottu Pyhis Kirjutuksis: – Sinä roittos oigei sanois i voitat suvvos.

5 No ku meijän viärys avuau Jumalan oigien, midä meil sit sanuo? Ongo Jumal viäry – pagizen nygöi rahvahan luaduh –, gu työndäy oman vihan meijän piäle?

6 Tiettäväine, ei! Eiga kui Häi vois sit suudie muailmua?

7 No ku minun kielahuon vuoh Jumalan tozi nägyy parembi da tuou Hänele kunnivuo, mikse sit minuu suuditah gu riähkähisty?

8 Ei taki se ole muga, kui erähät meidy kiruojat kiistetäh, buite myö sanommo: "Luajikkuammo vai pahua, rodieu hyviä"! Net kiistäjät suajah oigei suudo.

Послание ап. Павла к Римлянам 2:17-29 - 3:1-8

русский
17 Вот, ты называешься Иудеем, и успокаиваешь себя законом, и хвалишься Богом, 18 и знаешь волю Его, и разумеешь лучшее, научаясь из закона, 19 и уверен о себе, что ты путеводитель слепых, свет для находящихся во тьме, 20 наставник невежд, учитель младенцев, имеющий в законе образец ведения и истины: 21 как же ты, уча другого, не учишь себя самого?

22 Проповедуя не красть, крадешь? говоря: "не прелюбодействуй", прелюбодействуешь? гнушаясь идолов, святотатствуешь?

23 Хвалишься законом, а преступлением закона бесчестишь Бога?

24 Ибо ради вас, как написано, имя Божие хулится у язычников.

25 Обрезание полезно, если исполняешь закон; а если ты преступник закона, то обрезание твое стало необрезанием.

26 Итак, если необрезанный соблюдает постановления закона, то его необрезание не вменится ли ему в обрезание?

27 И необрезанный по природе, исполняющий закон, не осудит ли тебя, преступника закона при Писании и обрезании?

28 Ибо не тот Иудей, кто таков по наружности, и не то обрезание, которое наружно, на плоти; 29 но тот Иудей, кто внутренно таков, и то обрезание, которое в сердце, по духу, а не по букве: ему и похвала не от людей, но от Бога.

3:1 Итак, какое преимущество быть Иудеем, или какая польза от обрезания?

2 Великое преимущество во всех отношениях, а наипаче в том, что им вверено слово Божие.

3 Ибо что же? если некоторые и неверны были, неверность их уничтожит ли верность Божию?

4 Никак. Бог верен, а всякий человек лжив, как написано: Ты праведен в словах Твоих и победишь в суде Твоем.

5 Если же наша неправда открывает правду Божию, то что скажем? не будет ли Бог несправедлив, когда изъявляет гнев? (говорю по человеческому рассуждению).

6 Никак. Ибо иначе как Богу судить мир?

7 Ибо, если верность Божия возвышается моею неверностью к славе Божией, за что еще меня же судить, как грешника?

8 И не делать ли нам зло, чтобы вышло добро, как некоторые злословят нас и говорят, будто мы так учим? Праведен суд на таковых.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков