ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Tulii valgei

подкорпус: библейские тексты

Источник:
Uuzi Sana, 2003, с. 199-200

Kirjaine Riimalazile.

Tulii valgei

карельский: ливвиковское наречие
Новописьменный ливвиковский
18 Minä tulin täh mieleh: nygözen aijan gor՚at ollah tyhjät sen tulien taivahallizen valgien rinnal, kudai avavuu meile.

19 Kai Jumalan luajittu ylen äijäl vuottau Jumalan lapsien jiävindiä. 20 Kačo gu kaikel Jumalan luajitul pidi heittyö tyhjäkse, ei omal himol, a Sen tahton mugah, kudai muga pani. No kai Jumalan luajittu nad՚eičeh, 21 gu segi piäzöy kaduomizen vallas, Jumalan lapsien jytyi välläle da taivahallizeh valgieh.

22 Myö tiijämmö, kogo Jumalan luajittu muailmu täh suate ohkau da muokkuahes suandutuskis, 23 i ei vai se, a myögi, kudamat enzilahjannu saimmo Hengen, ohkammo vuottajes Jumalan lapsekse piäzendiä – meijän rungan piäständiä välläle.

24 Tämän nad՚oužanke myö olemmo piässyöt. No nad՚oužu sih, kudaman näit jo täyttynyönny, ei enämbiä ole nad՚oužu. Ken valvattau sidä, min jo sai!

25 No konzu valvatammo sidä, midä emmo näi, myö vuotammo sidä tirpajen.

26 Hengi sežo avvuttau meidy, kudamat olemmo vähävägizet. Myö emmo tiijä, mis tuači da kui pidäy moliekseh. No Hengi iče pokoroičeh meis tuači sanattomil hengähtyksil.

27 I Jumal, kudai tiijustau rahvahan sydämet, tiedäy, midä Hengi tahtou, gu Hengi pokoroičeh Jumalan tahton mugah uskojien puoles.

28 Myö tiijämmö, kai rodieu hyväkse niilöile, kudamat suvaijah Jumalua da kudamii Häi kučui, kui oli ielpäi kaččonuh.

29 Niilöile, kudamii Häi ielpäi valličči, Häi jo ielpäi lepii, gu hyö roittas Hänen Poijan moizekse, gu Hänen Poigu olis enzimäine suures velleksien joukos.

30 Niilöi, kedä Häi sih lepii, Häi i kučui, a kedä Häi kučui, niilöi luadii oigiekse, a kedä Häi luadii oigiekse, niilöile andoi taivahallizen valgien.

Послание ап. Павла к Римлянам 8:18-30

русский
18 Ибо думаю, что нынешние временные страдания ничего не стоят в сравнении с тою славою, которая откроется в нас.

19 Ибо тварь с надеждою ожидает откровения сынов Божиих, 20 потому что тварь покорилась суете не добровольно, но по воле покорившего ее, в надежде, 21 что и сама тварь освобождена будет от рабства тлению в свободу славы детей Божиих.

22 Ибо знаем, что вся тварь совокупно стенает и мучится доныне; 23 и не только она, но и мы сами, имея начаток Духа, и мы в себе стенаем, ожидая усыновления, искупления тела нашего.

24 Ибо мы спасены в надежде. Надежда же, когда видит, не есть надежда; ибо если кто видит, то чего ему и надеяться?

25 Но когда надеемся того, чего не видим, тогда ожидаем в терпении.

26 Также и Дух подкрепляет нас в немощах наших; ибо мы не знаем, о чем молиться, как должно, но Сам Дух ходатайствует за нас воздыханиями неизреченными.

27 Испытующий же сердца знает, какая мысль у Духа, потому что Он ходатайствует за святых по воле Божией.

28 Притом знаем, что любящим Бога, призванным по Его изволению, все содействует ко благу.

29 Ибо кого Он предузнал, тем и предопределил быть подобными образу Сына Своего, дабы Он был первородным между многими братиями.

30 А кого Он предопределил, тех и призвал, а кого призвал, тех и оправдал; а кого оправдал, тех и прославил.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков