Тексты
Вернуться к списку | редактировать | удалить | Создать новый | История изменений | Статистика | ? Помощь
Uuzi elaigu
Uuzi elaigu
карельский: ливвиковское наречие
Новописьменный ливвиковский
1 Jumalan
suurien armoloin täh kehitän teidy , vellet : Annakkua omua iččie eläväkse da pyhäkse , Jumalale mielužakse žertvakse . Nenga työ mielenke sluužitto Jumalale . 2 Älgiä heitykkiä tämän muailman eländytaboih , a muutukkua , uvvistakkah Jumal teijän mielet , gu tiijustazitto , midä tahtou Jumal , mi on hyvä , mi on Hänele mieldy myö da kaikelleh moine , mittuine pidäy .
3 Jumalan minule annetul armol sanon teile jogahizele : älgiä duumaikkua ičes liigua , enämbiä gu pidäy , a vai miärän mugah , jogahine sen uskon miärän mugah , kudaman Jumal hänele andoi .
4 Kui meil jogahizel on yksi rungu , no sit rungas on äijy palastu i joga palazel on oma ruado , 5 mugai myö kaikin Hristosas olemmo yksi rungu , no eriže myö kaikin olemmo toine toizele sen rungan palazet .
6 Omas hyvyös Jumal andoi meile eriluaduzet n՚erot . Se , ken on Jumalan iänenkandajannu , olgah senny sen uskon miärän mugah , kudai hänel on . 7 Sluužijan n՚eron suannuh sluužikkah , opastajan n՚eron suannuh opastakkah , 8 kehittäjän n՚eron suannuh kehitäkkäh , ken andau , annakkah kaikes sydämes , ken midä vedäy , vejäkkäh sidä tävvel väil , ken avvuttau köyhii , avvutakkah hyväl mielel .
9 Suvaičendas älgiä heitelkiättökseh . Vihakkua pahua , ripukkua hyväs .10 Suvaikkua toine tostu hellästi kui vellet , kiistai počitoikkua toine tostu . 11 Älgiä olgua n՚äivišköt sit , midä ruatto , anna palau teis Hengen tuli , palvokkua Ižändiä . 12 Hyväs mieles nad՚eikkuattokseh Jumalah , kestäkkiä kai ahtistukset , moliettokseh heittelemättäh . 13 Avvutakkua hiäs olijoi jumalanuskojii , vastakkua tulijoi , olgua rahmannoit .
14 Blahoslovikkua niilöi , kudamat teidy painetah , blahoslovikkua , a älgiä kirokkua .
15 Piekkiä iluo niilöinke , kudamil on ilo , itkekkiä yhtes itkijöinke .
16 Olgua keskenäh yksimielizet . Älgiä piekkiä iččie parembannu muidu , mengiä prostoin ristikanzan rinnale .Älgiä duumaikkua iččie ylen mieleväkse .17 Älgiä maksakkua nikelle pahas pahal . Huolikkua sidä , mi on hyvä kaikkien silmis .
18 Gu vai voinnou i gu se ollou kiini teis , eläkkiä rauhas kaikkienke .
19 Älgiä iče tazakkua , armahat vellet , a jätäkkiä sija Jumalan vihale . Sanotahhäi Pyhis Kirjutuksis : "Minun on tazuandu . Minä maksan ruadoloi myö " – sanou Ižändy .
20 Sanotah i nenga : "Gu sinun vihaniekal ollou n՚älgy , syötä händy , gu händy juotatannou , anna juvva . Nenga keriät tulihiildy hänen piän piäle ".
21 Älä anna pahale voittua iččiedäs , voita sinä paha hyväl .
Uuzi elaigu
карельский: ливвиковское наречие
Новописьменный ливвиковский