Тексты
Вернуться к списку | редактировать | удалить | Создать новый | История изменений | Статистика | ? Помощь
Petr hül’gaidab Iisusan
Petr hül’gaidab Iisusan
вепсский
54Hö
tabaziba Iisusan i läksiba vemha händast ülembaižen papin pert’he . Petr astui edahali Iisusan jäl’ghe .
55Keskele ezitanhad hö viritiba nodjon , i kaik ühtes ištuihe sen verhe , Petr-ki ištuihe heiden keskhe .
56Üks’ käskabunik-neižne nägišti händast nodjonno ištmas , kacui hänehe tarkašti i sanui : «Hän-ki oli sen mehenke ühtes .»
57Petr sanui neiččele , miše ei olend , i ližazi völ : «Minä en tunde händast .»
58Pordoine aigad mäni , i üks’ mez’ nägišti händast i sanui : «Sinä-ki oled siš sebraspäi .» No Petr sanui : «En , vellüdem , en ole .»
59Päliči časus völ üks’ mez’ sanui lujas : «Ka , hän-ki oli sen mehenke , hän-ki om galilejalaine .»
60No Petr sanui : «En el’genda , miš sinä pagižed .» I sid’-žo , Petran pagištes , launuškanzi kukoi .
61Ižand kärauzihe i kacuhti Petraha , i Petrale johtui mel’he , kut Ižand oli hänele sanunu : «Edel ku kukoi launub , sinä koumašti sanud , miše ed tunde mindai .»
62Hän läksi sigäpäi i itkeškanzi lujas .
Petr hül’gaidab Iisusan
вепсский
Лука 22:54-62
русский
56
57
58
59
60
61