Тексты
Вернуться к списку | редактировать | удалить | Создать новый | История изменений | Статистика | ? Помощь
Jumala ei ole hylännyn Israelie
Jumala ei ole hylännyn Israelie
карельский: собственно карельское наречие
Новописьменный севернокарельский
1Ka
niin mie kyšyn : Oisko Jumala hylännyn oman rahvahan , Israelin ?
Ei šuinki !Miehän niise olen israelilaini , Aprahamin jälkiläini , Veniaminin heimuo .
2Ei Jumala ole hylännyn omua rahvašta , kumpasen Hiän ieltäpäin valičči .
Tiijättähän työ , mitä Pyhät Kirjutukšet šanotah Il'l'ašta , kumpani valitti Jumalalla Israelista näin : 3"Hospoti , hyö tapettih Šiun viessintuojat ta rikottih Šiun alttarit .Mie yksin jäin henkih , ta miut hyö niise tahotah tappua ".
4Mitäpä Jumala vaštasi hänellä ?
Hiän vaštasi näin : "Mie jätin Ičelläni šeiččementuhatta mieštä , kumpaset ei polvissuttu Vaaljumalan ieššä ".
5Šamoin on nykysenäki aikana jiänyn muutomie , kenet Jumala omašša armoššah valičči .
6Ka kun kerran Hänen valičenta tapahtuu armošta , šilloin še ei ripu ihmisen ruatoloista .
Kun še rippuis ruatoloista , niin kenkänä ei tarviččis armuo .Ka kun valičenta rippuis ruatoloista , šilloin še ei tapahtuis armošta .No kun še tapahtuu armošta , niin šilloin meiltä ei kyšytä ruatoja .
7Mitä tämä merkiččöy ?
Israeli ei ole šuanun šitä , mitä še tavotteli ; vain Jumalan valitut šuatih še .Ka muijen šilmät šokeni , 8niin kuin Pyhissä Kirjutukšissa šanotah : – Jumala anto heilä unikkahan mielen , šilmät , mit ei nähä , ta korvat , kumpaset ei kuulla . Näin on vielä tänäpiänäki .
9 Ta Tuavitta šanou : – Tulkah heijän pruasniekkastola heilä anšakši ta ritakši , anna hyö kompaššutah šiih ta šuahah , mitä on tienattu .
10 Hämärtykkäh hiän šilmät , jotta hyö ei nähtäis , ta koukistukkah hiän šelät ijäkšeh .
Jumala ei ole hylännyn Israelie
карельский: собственно карельское наречие
Новописьменный севернокарельский