Тексты
Вернуться к списку | редактировать | удалить | Создать новый | История изменений | Статистика | ? Помощь
Suvaičuksen dorogu on paras
Suvaičuksen dorogu on paras
карельский: ливвиковское наречие
Новописьменный ливвиковский
1 Hos
minä pagizizin ristikanzoin dai anheliloin kielil , no gu minä en suvaiččis , olizin vai helizii vaski libo čilizii tsimbualu .
2 Hos minä olizin Jumalan iänenkandajannu , i minä tiedäzin kai peittodielot i kai , midä voibi tiediä , hos minul olis kai usko , muga , ga voizin mägilöi siirdiä , no gu minä en suvaiččis , minä olizin animi .
3 I hos minä jagazin kai omat elot köyhile , i andazin oman rungan poltettavakse , no gu minul ei olis suvaičustu , sit kaikes sit ei olis minule nimittumua hyvytty .
4 Suvaičus on tirpačču , suvaičus on leppei , suvaičus ei kadehti , suvaičus ei havize , ei suurendelei , 5 ei vie iččie pahoi , ei eči ičele hyviä , ei tuskevu , ei musta hänele luajittuu pahua , 6 ei ihastu viärytty , a on hyväs mieles , konzu voittau tozi .
7 Kaiken se tirpau , ainos uskou , ainos nad՚eičeh , kaiken se kestäy .
8 Suvaičus ei hävie nikonzu , no Jumalan iänenkandajien pagizendu lopeh , kielil pagizendu lopeh , tiedo kaduou .
9 Meijän tiedohäi on vajai , dai Jumalan iänenkandajat paistah vajavazesti .
10 No konzu tulou se , mi on täyzi , vajai häviey .
11 Konzu minä olin lapsi , minä pagizin lapsen luaduh , minul oli lapsen mieli , minä duumaičin kui lapsi .
No gu kazvoin miehekse , hylgäin kai , mi oli minus lapsellistu .
12 Nygöi myö näimmö gu pimies st՚oklas läbi , arbaillen , a sit rubiemmo nägemäh silmy silmäh .
Nygöi minun tiedo on vajai , a sit rubien tiedämäh kai , muga , kui minuh nähgi tietäh kai .
13 Ga sit nygöi ollah nämä kolme : usko , nad՚oužu da suvaičus , no suurin niilöis on suvaičus .
Suvaičuksen dorogu on paras
карельский: ливвиковское наречие
Новописьменный ливвиковский