Тексты
Вернуться к списку | редактировать | удалить | Создать новый | История изменений | Статистика | ? Помощь
Veššelä on
Veššelä on
карельский: собственно карельское наречие
Толмачевский
Konža
miula lapšet liettih , mama käveli miuh nänkyimäh miun lapšie .I hiän aivis’ pribautkoida laulo :
Tra-ta-ta , tra-ta-ta ,
Kaikki kuadiet hapatah ,
Riuguzella riputah ,
Bronizet n’okotah .
A konža baibattau , niin :
Bai , bai , Basalai ,
Jermošiha lapšen šai ,
Ei mahu kätkyöh ,
Postelilla brekottau ,
Čugunašša jallat ,
Luapotissa kannat .
A dvoirodnoi velli miun šano miula častuškoida omah kyläh :
Namasteran kolhozašša
On i äijä lehmie ,
Lieu naverno lehmäzinke
Meilä šiunke telmiä .
Namasteran kolhozašša
On i äijä poččie ,
Lieu naverno meilä šiunke
Poččiloinke skoččie .
Namasteran kolhozašša
On i äijä keguo ,
Lieu naverno meilä šiunke
Kegoloissa šeguo .
Namasteri hyvä kylä ,
Keššel’ kyliä verejät ,
Brihaččune , elä nagra ,
Einen pyyhi rejät .
Tämä konža kargajat Jeleckoida , a konža Sem’onovna tože tancuijah :
Eh , Sem’onovna , istuu lepäššä ,
On i hänellä perže šepäššä .
Eh , jabločka , mistä viiret šie ,
Mistä kužet , mistä šitut , mistä pirret šie .
Nyt evle šoittuo , niin omalla kielellä šoitamma .
Nu ka näin i elämmä , laulamma , konža kargajamma , konža mi .Pruazniekat spravl’aičemma .Veššelä on .
Veššelä on
карельский: собственно карельское наречие
Толмачевский