Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. Kylmykuu
L’ubov’ Baltazar
Kylmykuu
карельский: ливвиковское наречие
Новописьменный ливвиковский
Jo
pimetäh päivät ,
Jo vilu on illal ,
Jo murginan jälles
Ei himoita pihal .
Ni iändy , ni sanua ,
Ni linduzen pajuo ,
On kylmykuun allus
Mua hil’l’u da pal’l’as .
Vai keldaizet lehtet
On rungoloin tyves ,
Ku pakkazel suurel
Ei kylmettäs juuret .
Sygyzyn tulos –
Talvekse ruado
On kerätty , tuodu ,
On päčile pandu .
On kannettu kodih ,
Kuoppah dai aittah ,
On očuagal , orrel ,
Dai palatin laijal .
On virumas , rippumas ,
On laijattu pinoh
Talvekse pitkäkse
Kai , midä pidäy .
On vaihtettu ollet ,
On puistettu kattiet ,
On golikol pesty
Saruan lattiet .
On sivottu vastat ,
Net nostettu yläh ,
On juattugi liijat
Köyhembil kyläh .
On tallel jo pandu
Kai kezäzet lämmät ,
On suolattu sienet ,
On kerätty marjat .
On pučis jo buolua ,
On pyvvetty kalat ,
Ei täydyne suolua
Net kuivamah pannah .
On maksettu vellat ,
On ostettu , myödy ,
On Piiterih viedy
Dai siepäi tuodu .
On keritty lambahat ,
Kuivattu heinät ,
Talvekse kangahal
Luodu on "seinät ".
Talvizen ruavon –
Paltinat uvvet –
Keviäl hangel
Päiväine valguau .
Kylmykuu
карельский: ливвиковское наречие
Новописьменный ливвиковский