Тексты

Вернуться к списку | редактировать | удалить | История изменений | ? Помощь

Evrejalaižed käraudasoiš Iisusaspäi

Корпус: библейские тексты (переводные)

Источник: Uz’ Zavet, (2006), с. 237-238
Evangelii Joannan mödhe. 10.

Evrejalaižed käraudasoiš Iisusaspäi
(вепсский)

22Oli tal’v, i Jerusalimas oli pühäkodin udištamižen voz’praznik. 23Konz Iisus käveli pühäkodiš, Solomonan pacazgalerejas, 24evrejalaižed kogozihe ümbri hänes i sanuiba: «Hätken-ik sinä mokičeškanded meid? Ku sinä oled Messia, sanu se kohtha

25Iisus sanui: «Minä ved’ olen sanunu teile, no et uskkoi. Tegod, kudambad minä tegen Tatan nimes, todištaba minun polhe. 26No et uskkoi, sikš ku et olgoi minun lambhad, muga kut sanuin-ki teile. 27Minun lambhad kundleba minun än’t, i minä tunden heid, i astuba minun jäl’ghe. 28Minä andan heile igähižen elon. igäs ei kadogoi, i niken ei anasta heid minai. 29Minun Tat, kudamb om andnu heid minei, om suremb kaikid, i niken ei voi anastada heid minun Tatan kädespäi. 30Minä i Tat olem üks’

31Evrejalaižed keradaškanziba kivid, miše tacta Iisusaha. 32Iisus sanui heile: «Minä olen tehnu teiden sil’miš äi hüvid tegoid, kudambad oma minun Tataspäi. Miččen tegon tagut tahtoit tacta kivil minuhu 33Evrejalaižed sanuiba: « em tackoi kivil sinuhu miččen-se hüvän tegon tagut, a vaiše sen tagut, miše sinä nagrad Jumalad. Sinä teged ičtaiž Jumalaks, a oled mez’

34Iisus sanui: «Ei-ik teiden käskištos ole kirjutadud nene Jumalan sanad: „Minä sanuin: olet jumalad? 35Ku hän sanub jumaloikš heid, kenele Jumalan sana anttihea Pühid Kirjutusid ei sa mureta36ka kutak sanut hänele, keda Tat om valičenu pühiže azjoihe i oigendanu mirhu: „Sinä nagrad Jumalad“, vaiše sen pohjal, miše minä sanuin: „Minä olen Jumalan Poig“? 37Ku minä en tege minun Tatan tegoid, algat uskkoi minun sanoihe. 38No ku tegen, uskkat minun tegoihe, hot’ et uskkoi minei. Siloi tedištat i uskoškandet, miše Tat om minus, i minä olen hänes

39Evrejalaižed möst tahtoiba tabata Iisusad, no hän pageni heiden käzišpäi.

40Iisus mäni udes Jordanjogen toižele polele, sinna kus Joan ezmäi oli valatanu rahvast, i jäi sihe. 41Hänennoks tuli äi rahvast. sanuiba: «Joan ei tegend ni üht tundmuztegod, no kaik, midä hän necen mehen polhe sanui, om tozi 42Äjad uskoiba sigä Iisusaha.