Тексты
Вернуться к списку | редактировать | удалить | Создать новый | История изменений | Статистика | ? Помощь
Myö erähäl’l’ä kerdoa
Myö erähäl’l’ä kerdoa
карельский: собственно карельское наречие
Поросозерский
Myö
erähäl’l’ä kerdoa , miuda oli vanhembi čikko kolmie vuotta , sinne sobiralissen , joukkoo , kuuššeiččemen t’yt’t’yö , ruvetaa žirkkalošta kaččomaa .Značit , hebozen länget tuodii pert’t’ii da žirkkalo pannaa ,yksi istuotou tässä , jumaloijen alla , tukad laškou t’yt’t’ö väl’l’äl’l’ä , no a toine , še onhän tuo meil’ä prilafkalla pertissä , siih pannaa hebozen längetten , da siih pannaa širkkalo ,no dani tuohuž virit’et’ää , ruvetaa siid’ä kaččomaa .Eräž män’öy avoau tagakannalla oven , značit , lugou sielä : "Ken olled bogasuužennoi , ken olled bogar’aažennoi , tule n’yt t’ähä žirkkaloo kaččomaa ".Kučutaa ...No i hyö šiel’ä kačotaa , značit , ken ženihhä , myt’ys’ kel’l’ä ženihhä tulou , tulougo hän yl’en siid’ä vessel’änä , vai tulou hän hramoina , vai minä tulou , kel’l’ä myt’yž lienöy še vašt’ineh .Siel’ä ykši ku kaččou nii še poiž l’äht’öy n’ytten , se mänöy , toine smenakkaa , siid’ä kačotaa .Eräs kaččo , kaččo siel’ä ku ravahti äijäl’di kaččuošša , raugahti da peä tagaa päi t’ikahti , hän , značit pöl’l’äst’y : siel’d’ä tuodii grobu , suuree soppii kannettii dai tuohukset ymbäri palamaa .
Myö erähäl’l’ä kerdoa
карельский: собственно карельское наречие
Поросозерский