Тексты
Вернуться к списку | редактировать | удалить | Создать новый | История изменений | Статистика | ? Помощь
Kut kas’ken vert’as
Kut kas’ken vert’as
вепсский
Средневепсский восточный
Hougon pripast’as touvuu
.
Mecas kas’ken čaptas , konz lehtes töüs’ .
Kas’ken čaptas , potom touvuu sadas hougon .
Pidusuu houg ninga metrad kuume .Järedad ka hougoidas lahkoile i vedetas kas’kele , ristha pandas , ristoihe , miše ii lumes ligoteiž , kuiveteiž .
I vot kevaduu , konz čoma sä , mändas akad i mužikad .
Mužikad kandištas hougon , akad vertas .
Tehtas vertin’pud mugomad , žerdid’ , pandas hougod kuume – nel’l’ lahkod’ i viritadas .
I vot tuukib hil’l’ašti .
Pandas poikused , poikusid’me kebjemb turutada .
Palab üks’ sija – tuukaitas , möst palab – möst tuukt’as .Ninga agjh'asai vert’as-ki .
A muitte tehtas palod vu , prosto puuttas .
Mecakaz palo kudam om , kas’k , nu ka mändas da lämäšt’ pandas rüunoišpei .
Toht ottas da viritadas , i nece kas’k palab iče .
Kus sarjakod jädas palamatmad , necen mecan lopun keratas verandeihe , kogoihe kaik nene kegalehed , no i möst puuttas nene sarjakod .
Naku ninga kas'ked puuttas .
Necen vertas püuhale da ozrale , čaptas noren pihkuižen mugomaižen , kus koivuižed da lepeižed , sihe püuvas paremba kazvab i ozr .
A sured kas’ked rugehen semetes , rugehele puuttas .
Čaptas mecakahid kuzid da pedajid’ töus’ .
Potom adrou künttas i semetas püuhan , a nenihe kas’kihe , surihe ka rugehen semetas .
Kut kas’ken vert’as
вепсский
Средневепсский восточный