Тексты
Вернуться к списку | редактировать | удалить | Создать новый | История изменений | Статистика | ? Помощь
Nikolai Lokki. Kiinalazien viizahus. 5
Nikolai Lokki
Kiinalazien viizahus. 5
карельский: ливвиковское наречие
Новописьменный ливвиковский
11 OZA
ILO DA SURU
Huolevunnuol ajajal hebogi juoksou-vitkittäy .
Kotku pyydäy kanan , siid on vältäväine , no i varavuttau .
Ei iluo voi viijä loppussah .
Ei murhet yksin ristikanzua kazvata , no ilmai niidy ei sua kazvua nikui .
Ei gor’ua kerral nielata .
Yksi ihastuu , toine vihastuu .
Konzu toizele on ilopäivy , miksebo pidäy kadehtie .
Iloizen ristikanzan mieli raikas , keskisygyzyn kuu kirkas .
Ken ei ole kazvatannuh lastu , nimidä ei tiijä gor’as .
Viizahat lapset vahnembien ilo , laihu koiruižändäl nähtä huigiedu .
Muuzikku on ilo , tunne , joga ristikanzu ei voi olla aigu aijoin kundelemattah .Ga sit toven sanuo , ristikanzu ei voi olla ilotoi .
RISTIKANZU DA RISTIKANZAN LUONDO
Sada ristikanzua , sada eri tabua .
Ei ristikanzu toruamattah tutustu toizenke .
Ilmai kärzimysty on vaigei kazvua ristikanzakse .
Gu vai lyönnet ristikanzua , älä perra rožua ; gu lienne kiruot ristikanzua , älä koskei häneh sellän tagua .
Konzu vastah tulou karliekku , älä mainiče hänen korgevuttu .
Viritämätöi lampu ei läpetä , konzu rahvas ei paista toine toizenke – aziet ei selvitä .
Konzu silmih jiävih ezineh , se suattau meidy mustelemah muasterii .
Ristikanzua ei sua arvostua rožua myöte , kuigi valdumerie ei sua miärätä rengel .
Virdua da vuorii voibi muuttua , ga ristikanzan luondo on muuttumatoi .
Ristikanzoin välizet suhtehet ollah tärgiembi gu kesarin zakonat .
Ei naine ole lahjakas , vai on hyvyöntahtoi .
Joga ristikanzal on syväin , joga syväimes oma tahto .
Ristikanzan elos on hengitysty .
Ristikanzan elos on suuri gu taivas .
Ristikanzan sellän tagan löydyy tostu rahvastu , vuorin tagan toizii vuorii .
Ristikanzan syväin sežo on lihahine .
Gu ristikanzu on hengis , tunnot ollah hänenke .
Mägilöi on vaigei siirdiä , ristikanzan tabua on vaigei muuttua .
Kenenbo kattilan pohju ei olis mustu .
Ken lyöy tostu ristikanzua , alendau iččiedäh .
Enzikerran vastattuu pietäh gost’annu , toizel kerral jo vai tuttavannu .
Täl mäilpäi kaččojen susiedan mägi ozutahes korgiembakse .
Toizen ristikanzan syväimen tundemine on vaigei , oman ičen syväimen tundemine on vie vaigiembi .
Omat unet pidäy ičele selvittiä .
Ristikanzan piä on taivahas , jallat pystytetty muah .
Kaidu nägöala , pieni muailmu .
Edenöi varuau piästä välläl omas kuorespäi .
Ristikanzu voi seizahtuo , ga hänen suu ei salbavu .
Ei sovan vaihto rahvastu muuta .
Rahvas kattavutah sobih , Budda kattahes kullal .
Susiedan puunandimet magiembi omii .
Jallat kahtes venehes yhtelaigua .
Ristikanzu tarviččou yhteskundua , kuigi tulel pidäy ilmu .
Omat aziet arvokkahembi , toizen dielot-arvotoi ruoho .
Kenen tiedy käytät , sengi sildoi korjailet .
Muulin taba ei muutu enne gu se töllyöy .
Kiinalazien viizahus. 5
карельский: ливвиковское наречие
Новописьменный ливвиковский