Тексты
Вернуться к списку | редактировать | удалить | Создать новый | История изменений | Статистика | ? Помощь
Kut nod’jon tehtas
Kut nod’jon tehtas
вепсский
Средневепсский восточный
Süguzuu mectamaha
mändas , kodihe öks ii tuugoi , a kus iö sabutab , sid’ i magatas .
Tehtas nod’jon .
Lüutas kuivan hongan , čoman , necen hongan čaptas .
Kaks’ čurkad čaptas metrad kaht , i neche nod’jho ühten čurkan pandas alle , pandas alle-se alandusuded , miše ii ani mas oliž .
Potom čurkan nenile alandusile pandas .
Ühted poled čurkoišpai čaptas kirvhuu , päraged miše uud’aiž i letas päle necen čurkan .
Keskhe pandas ii sanktid’ kaluižid’ , miše ühthe ii koskt’aiž , voiž keskhe lämeižen panda .Kandospai vesttas puikoid’ , viritadas i lämeiženke puikod kes’khe nečhe pandas .
A ülembeižhe čurkha išktas agjha i toižhe pöupai puižed naglad .
Kirvhuu tükaitas i naglan ajetas .
I nenihe nagloihe ...ühthe polhe žerdid’ haugoitas agjan i naglhasai pandas , a toižen agjan maha čokaitas .
Muga i toižhe agjha , miše čurk ii lanktiš pöupai , palaškandob ka voib langeta .
Hän ii lankto sihesai , kuni kaik ii pala .
Magates pandas kavagid’ , čaptas .
Kavaged levitadas , ii tariž kattust , nimida , mugoi läm magata nod’juu .
Pažagou ka tari hougod mäne teda mi öks , a sid’ kahtuu čurkou voib magata .
Hvatib sügüzoks samijaks , vu jäb , ii ehti palada .
Naku ninga sügüzuu mecnikad magatas mecas .
Kut nod’jon tehtas
вепсский
Средневепсский восточный