Тексты
Вернуться к списку | редактировать | удалить | Создать новый | История изменений | Статистика | ? Помощь
Marjukiiseli huondesverokse
Marjukiiseli huondesverokse
карельский: ливвиковское наречие
Новописьменный ливвиковский
Kiiseli
on hyvä huondesvero .Sidä suau juvva Kpäivälgi syömizen jälles .Kiiseli luadiu hyviä vačale , luuloile da nivelile .
Ken varannou kyllästyö , kiiselii ei pie juvva puaksuh da äijiä .Voibi keittiä ilmai zuaharii .Kiiselin juoduu nälgy ei terväh tule .
Valliče da huuhto marjat .
Marjat , kudamis on luuhuttu libo koja ollou kovembi , voibi survuo da puzerdua mehut .Pehmiet marjat (must’oi , vagoi , muur’oi , mandžoi ) voibi panna keitändän lopus kogonazinnu .
Marjukiiselih niškoi pidäy :
• 1 litru marjuvetty
• 2 suurdu luzikkua kartohkujauhuo
• 300 grammua marjua
• 100 grammua zuaharii
Vala marjuviet kattilah , pieksä sinne zuaharit da pane tulel .
Kaksi suurdu luzikkua kartohkujauhuo pieksä sundozeh vedeh , vetty ota 150 mililitrua .
Konzu marjuvezi rubieu kiehumah , pieksäldä kartohkujauho da vala kattilah ainos pieksäjen .Anna kiehuo yksi minuuttu .Kiehumizen aigua ližiä pehmiet marjat kogonazinnu .Hätkembän keittäjes kiiseli nodrenou dai marjois olijat hyvät ainehet hävitäh .
Voibi keittiä sagiembua must’oikiiselii , valua piäle rieskua maiduo da syvvä luzikal .Must’oin da maijon mavut ylen hyvin sovitah yhteh .
Arbua marju
Arbaituksis karjalazet puaksuh arbaitettih marjoi .Opi arvata , kus kudamas marjas on pagin .Täs ollah arbaitettu muur’oi , must’oi , vagoi , buolu da garbalo .
• Suo suuri , mändy pieni – männyn piäs mezimöykky .
• Ruskei lehmy heinäzes kätkyös .
• Mustu lehtmy heinäzes kätkyös .
• Kiildäy-čilkettäy , aijan ravospäi kaččou-kalčottau .
• Kezäl kazvau , talvel kypsyy lumen ual .
Valmisti L’ubov’ Baltazar
Marjukiiseli huondesverokse
карельский: ливвиковское наречие
Новописьменный ливвиковский
• 1
• 2
• 300
• 100