Тексты
Вернуться к списку | редактировать | удалить | Создать новый | История изменений | Статистика | ? Помощь
Šallun Anni. Sanasuarele käynnyh rahvas. 2
Šallun Anni
Sanasuarele käynnyh rahvas. 2
карельский: ливвиковское наречие
Новописьменный ливвиковский
Vara
venehty ei kua ."Oma Mua " tariččou vuadijale lugijale karjalankielizii uardehii .
Sidä midä hyvin maltettih paista enne meijän ezi-ižät , meijän syndyzet .Hyö suadih paista čomasti , viizahasti , čökkijen pädevän sanazen omah virkeheh libo ynnällizen sananpiän jogapäiväzeh paginah .Prostoit rahvas paistih prostoidu elaigua pajattajen rouno .Mustattohäi vie vähäzel omien buaboloin da pruavodied’oloin paginua ?
Ilmovoi tukku karjalastu sananpiädy on kiini ristikanzas , hänen ruadolois da suitettulois nerolois .Ennevahnashäi rahvas ruattih fyyzizesti ylen äij än , jygien ruadoelaijan suurin vuitti aigua on mennyh ruavos .Ristikanzan luondeh , taba , hänen nerot on rahvahan ynnälline folosoufii .
Sanasuarele käynnyh rahvas-kirjutukses juohattelemmo vai erähii , vai pienen vuitin suurdu kieliuarrehtu .
PIDÄS OPPIE , EIGO SUAS LOPPIE …
Nero ei ole selläs kannettavu .(Pidäy maltua nero dieloh panna da ozuttua , midä maltat ruadua , opastua toizii ).
Ruado ruavon piäl luadihes .(Ruado uvvengi ruavon löydäy ).
Ruado miesty ei riko .Ruado ristikanzan kohendau .
Algu on kallis .Algu ruavon kaunistau , lopus passibo seizou .Pidäs oppie , eigo suas loppie .(Ruado pidäy kehtata allata ).
Älä nagra miesty tulles , nagra lähtijes .Miehen ruado loittonsah nägyy .Suabru kačotah luoduu , mučoi kačotah pertih tuoduu .(Ristikanzua nägyy hänen ruadoloi myöte ).
Hyväs ruavos hyvä palkugi .Tyhjäs ruavos tyhjy palkugi .
Kuni jalgu kapsau , sini suu n’apsau .Midä pläčötät , sidä väčytät /käcytät .Ei tule liha liikkumata , eigo kala jallan kastamata .Midä keität , sidä peität .Midä käzi kiändäy , sidä suu suurdau .(Syvves pidäy vie suaha .
Ilmai ruandua et ni syö ).
Keskikämmendy on peigoi .(Ei malta ).
Libo pidäy kädeh rattu panna , libo kieleh .(Ruadua libo käzil , libo kielel ).
Ruadajan kädeh – rattu , ruadomattomah – kaksi .Ruadamattomah kädeh rakko .Ruadajan kädeh patto , ruadomattomah – kaksi , pattien kädeh – verehine rokko .(Rattuu , rakkuo da verehisty rokkuo kädeh enämbäl rodieu ruadomattomale , migu ruadajale ).
Ei ole sinun ruadolois ni vetty , ni vuassua , ni puadunuttu kuaššua .(Ei ole tolkuu ruadolois ).
Kuni sinä sen luajit , harakat harmatah dai harakoil korvat kazvetah .(Sen ristikanzan ruavon tulostu et näe ).
Sinus ruadai da počis kyndäi // Sinus ruadai , počis kyndäi , oravas astavoiččii .(Tolkutoi , nerotoi ruadai ).
Älä kielel kiirehtä , kiirehtä ruavol .(Parembi rua , migu pagize ).
Älä kehitä syömäh , kehitä ruadamah .(Syöndy on jälles ruan dua ).
Ruattu – ei muattu .Liigu palaine liikkujale .(Ken ruadau , segi suau ).
Luaji hyvin , pahoi iče menöy .(Opi luadie ruado parembakse ).
Ruadajua myö hangogi .(Joga ruadajale – oma ruadobruja .
Suurele – suuri , pienele – pienembi ).
Ruadua kätsijöi myö .(Ylen hyvin , čopakosti ).
Ruadajes hattulit toinah lekutah !(Ylen ahkeroiččou ruadua , ruadau juostozil , kiirehtäy muga , ku sovat rungas lekutah ).
Mihbo niškoi seppy piihtet tagoi ?Kel nenä noves – se i seppy .(Jogahizel putillizel ruadajal on oma suadu nero .
Neron suannuh ottavuu ruadoh , ei nerotoi .Keh ruado kuuluu , segi ruadau ).
Kahten jället parembi tutah , yhten ni tuta ei .(Abuniekat ruavos ainos pätäh ).
Pattiel on ainos Äijypäivy .(Pattii ei rubie ruadamah , hänel ainos on mitahto kallis pruazniekku ).
Yksi suau , yheksä syöy .(Yksi ristikanzu suurdu perehty syöttäy ).
Syvves hiestyy , a ruadajes kylmäy .(Pahoi ruadau ).
Lähtis ruadoh , ga počči evähät söi .(Ei lähte ruadoh , ainos on mitahto viga ).
Ruadajah ristikanzah nähte sanotah , ku sille ruado ihastuu .
Ruveta ruadoh // Ottavuo ruadoh // Tartuo ruadoh // Heršahtuakseh ruadoh // Rippuo ruavos // Ruado käis pyzyy // Ruado käis lähtöy .
Pattijah , patiškoh , laškah ristikanzah nähte sanotah : Pattii halešku , Pattii Voron , ei kehtua ni omii hattuliloi kannella .
(On kerätty karjalan rahvahan fol’klouran mugah , "Oman Muan " toimitukses olijoi materjualoi myö ).
Sanasuarele käynnyh rahvas. 2
карельский: ливвиковское наречие
Новописьменный ливвиковский