Тексты
Вернуться к списку | редактировать | удалить | Создать новый | История изменений | Статистика | ? Помощь
Puavilan hyvä mieli
Puavilan hyvä mieli
карельский: ливвиковское наречие
Новописьменный ливвиковский
2 Luajikkua meile
sijua omah sydämeh .
Myö nikelle emmo luadinuh viärytty , nikelle emmo tuonnuh vahinguo , emmogo hyödynyh nikenen vuoh .
3 Tämän sanon ei sikse , gu osudie teidy .
Sanoinhäi jo ennepäi , työ oletto meijän sydämis , gu myö eläzimmö da kuolizimmo yhtes .
4 Minä äijäl uskon teih , äijäs kohtas voin löyhkiä teis .
Sain kybimänkylläl urostustu , i kaikkien gorien keskel olen ylen suures hyväs mieles .
5 Makedonieh tulduu meil ei olluh nimittumua rauhuttu .
Meidy ahtistettih kaikkielpäi : ulgoči – torat , sydämeči – varavot .
6 No Jumal , kudai kannattau painettuloi , urosti meidy Tiitan tulendal , 7 i ei vai Tiitan tulendal , a vie sil urostuksel , kudaman häi sai teis .
Häi vet saneli , kui työ igävöičettökseh minuu , kui piettö pahua mieldy da kui palavasti puolistatto minuu , i se vie enämbäl ihaskoitti minuu .
8 I hos minä pahoitin teijän mieldy kirjazel , kudaman työnnin teile , en žiälöiče sidä .
I hos žiälöičin silloi , konzu näin , kui työ pahelduitto kodvazekse ,
9 ga nygöi olen hyväs mieles en sendäh , gu työ pahelduitto , a sendäh , gu se muutti teijän mielet .
Teijän pahamieli oli Jumalan mielen mugahine , i sendäh meis ei olluh nimittumua vahinguo teile .
10 Jumalan mielen mugahine pahamieli kiändäy ristikanzan Jumalah päi , se vedäy piäzendäh , i sidä ei pie žiälöijä . A mualline pahamieli vedäy surmah .
11 Näittöhäi iče , midä luadii teis se Jumalan mielen mugahine pahamieli : mittuman rad՚en՚n՚an se nosti teis , kui se pani teidy puolistamah iččie , kui se nosti tavan da varavon , himon nähtä meidy , hengen palandan da himon tazata viäryniekale .
Työ kaikelleh ozutitto iččie täs dielos puhtahannu .
12 I hos minä kirjutingi sen kirjazen teile , ga en kirjutannuh sidä ni viäryön luadijan täh , ni sen täh , kedä vastah tämä viärys on luajittu , a kirjutin sikse , gu työ Jumalan ies iče ellendäzittö , kui palavasti työ oletto meijän puolel .
13 Tämä meidy kannatti .
No vie tädä kannatustugi enämbäl meidy ihaskoitti Tiitan ilo sit , gu työ alevutitto hänen mielen .
14 Minul ei ole huigei sidä , gu minä kiitin teidy .
Kui kai , midä pagizin teijänke , on tottu , mugai ozuttihes tovekse se , mis minä kiitin teidy Tiitale .15 Hänen syväin äijäl lämbenöy , konzu häi mustelou , mittumat sanankuulijat työ kaikin olitto da kui varaten da kunnivoijen työ vastaitto händy .
16 Olen hyväs mieles , gu voin kaikes uskuo teih .
Puavilan hyvä mieli
карельский: ливвиковское наречие
Новописьменный ливвиковский