ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Puavil puolistau omua ruaduo

подкорпус: библейские тексты

Источник:
Uuzi Sana, 2003, с. 232

Toine kirjaine Korinfalazile

Puavil puolistau omua ruaduo

карельский: ливвиковское наречие
Новописьменный ливвиковский
1 Minä, Puavil, kudai teijän keskes olles, kuuluu, olen varačču, a muijal olles rohkei, kiännyn teijän puoleh Hristosan hyvyön da lembevyön täh.

2 Pokoroičemmos, gu minul teijän luo tulduu ei pidäs olla moizennu rohkiennu, mittumannu tahton olla niilöinke, kudamat duumaijah, buite myö elämmö kui tämän muailman rahvas.

3 Hos myö elämmö rungas, ga emmo torua sen riähkähizen tavan mugah.

4 Meijän toravehkehinny ei olla rahvahien vehkehet, meijän vehkehis on Jumalan annettu vägi kuadua linnanseinii. Myö kuammo ristikanzan duumat 5 da kuammo kai, mi julgieh nouzou vastustamah Jumalan tundemistu. Myö otammo kiini kai duumat, gu luadie net sanankuulijoikse Hristosale. 6 Gu vai työ roittokseh kaikes sanankuulijat, myö kerras olemmo valmehet tazuamah kaikes kuulemattomuos.

7 Kačokkua tovele silmih! Gu ken pidänöy iččie Hristosan omannu, se mustakkah: kui häi on Hristosan oma, mugai myö olemmo Hristosan omat.

8 I hos minä vähäzel liigua löyhkäzin sil vallal, kudaman Ižändy andoi meile gu lujendua, a ei murendua teidy, minule ei rodies huigei.

9 Älgiä duumaikkua, buite minä vai pöllättelen teidy kirjazil.

10 Sanotahhäi erähät: "Da, hänen kirjazis on tabua da vägie, no iče häi rahvahan ies on avutoi, a paginat hänen ollah animittumat". 11 Moizil pidäs ellendiä: midä myö sanommo kirjazis, konzu emmo ole teijän luo, sidä i ruammo, konzu olemmo sie.

12 Myö emmo ruohti panna iččie yhteh riädyh niilöinke, emmogo ruohti verrata iččie niilöih, kudamat iče iččie kiitetäh. Hyö ollah mielettömät, gu miärätäh iččie ičel da verratah iččie iččeh.

13 A myö emmo rubie menemäh hyväkse piäliči miäräs, meijän miäry on se aloveh, kudaman miäräi meile Jumal, sie oletto työgi.

14 Myö emmo vönyttäi piäliči annetus rajas. Ettogo työ jo kuulu meijän aloveheh? Kuulutto! Myöhäi toimmo Hristosan jevangelien teih suate.

15 Vierahil ruadoloil myö emmo mene hyväkse omien rajoin tagan. Myö uskommo: gu kazvau teijän usko, sit kazvau i meijän sija teijän keskes. 16 Sit myö voimmo levittiä jevangeliedu vie loitomba teidy eläjile, löyhkämättäh sil, midä muut luajittih omil alovehil.

17 Ken löyhkäy, löyhkäkkäh Ižändäs.

18 Surematoi ei ole se, kudai iče iččie kiittäy, a se, kudamua kiittäy Ižändy.

Второе послание ап. Павла к Коринфянам. 10:1-18

русский
1 Я же, Павел, который лично между вами скромен, а заочно против вас отважен, убеждаю вас кротостью и снисхождением Христовым.

2 Прошу, чтобы мне по пришествии моем не прибегать к той твердой смелости, которую думаю употребить против некоторых, помышляющих о нас, что мы поступаем по плоти.

3 Ибо мы, ходя во плоти, не по плоти воинствуем.

4 Оружия воинствования нашего не плотские, но сильные Богом на разрушение твердынь: ими ниспровергаем замыслы 5 и всякое превозношение, восстающее против познания Божия, и пленяем всякое помышление в послушание Христу, 6 и готовы наказать всякое непослушание, когда ваше послушание исполнится.

7 На личность ли смо́трите? Кто уверен в себе, что он Христов, тот сам по себе суди, что, как он Христов, так и мы Христовы.

8 Ибо если бы я и более стал хвалиться нашею властью, которую Господь дал нам к созиданию, а не к расстройству вашему, то не остался бы в стыде.

9 Впрочем, да не покажется, что я устрашаю вас только посланиями.

10 Так как некто говорит: в посланиях он строг и силен, а в личном присутствии слаб, и речь его незначительна, — 11 такой пусть знает, что, каковы мы на словах в посланиях заочно, таковы и на деле лично.

12 Ибо мы не смеем сопоставлять или сравнивать себя с теми, которые сами себя выставляют: они измеряют себя самими собою и сравнивают себя с собою неразумно.

13 А мы не без меры хвалиться будем, но по мере удела, какой назначил нам Бог в такую меру, чтобы достигнуть и до вас.

14 Ибо мы не напрягаем себя, как не достигшие до вас, потому что достигли и до вас благовествованием Христовым.

15 Мы не без меры хвалимся, не чужими трудами, но надеемся, с возрастанием веры вашей, с избытком увеличить в вас удел наш, 16 так чтобы и далее вас проповедовать Евангелие, а не хвалиться готовым в чужом уделе.

17 Хвалящийся хвались о Господе.

18 Ибо не тот достоин, кто сам себя хвалит, но кого хвалит Господь.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков