Agar՚ da Sarra
карельский: ливвиковское наречие
Новописьменный ливвиковский
21 Sanokkua minule, työ, ket tahtotto eliä Zakonan vallan al: ettogo kuule, midä Zakon sanou?
22 Pyhis Kirjutuksis on sanottu: Avraamal oli kaksi poigua. Yhten poijan sai orjunaine, toizen sai välly, Avraaman akku.
23 Orjunaizen poigu rodiihes muga, kui kai muut, a vällän naizen poigu rodiihes sendäh, gu Jumal sen uskaldi.
24 Täs on peitetty merkičys: nämä naizet merkitäh kahtu sobuu.
Yksi sobu on Sinain mäil luajittu sobu, kudaman lapset roitahes orjikse, i se on Agar՚.
25 Agar՚ merkiččöy Sinain mägie Aravies, i sen vastineh on nygöine Jerusalim, kudai omien lapsienke eläy orjinnu.
26 No taivahalline Jerusalim on välly, i se on meijän muamo.
27 Onhäi Pyhis Kirjutuksis sanottu: – Pie iluo, sinä lapsensuamatoi, kudai et sua lastu!
Ole vessel da pie iändy sinä, kudai et tiijä suandugorii!
Sikse gu hyllätyl on äijiä enämbi lastu, migu sil, kudamal on ukko.
28 Työ, vellet, oletto uskalmon periä rodinuot lapset, muga kui Isakku.
29 No kui silloi muijien jytyi rodinuhes poigu painoi Hengen väil rodinuttu poigua, muga on nygöigi.
30 No midä sanotah Pyhät Kirjutukset?
Net sanotah: "Aja iäre orjunaine da hänen poigu, eihäi orjunaizen poigu voi suaja kodivuittii yhtes vällän naizen poijanke".
31 Vellet, ga emmohäi myö ole orjunaizen, a olemmo vällän naizen lapset.
Послание ап. Павла к Галатам. 4:21-31
русский
21 Скажите мне вы, желающие быть под законом: разве вы не слушаете закона?
22 Ибо написано: Авраам имел двух сынов, одного от рабы, а другого от свободной.
23 Но который от рабы, тот рожден по плоти; а который от свободной, тот по обетованию.
24 В этом есть иносказание.
Это два завета: один от горы Синайской, рождающий в рабство, который есть Агарь,
25 ибо Агарь означает гору Синай в Аравии и соответствует нынешнему Иерусалиму, потому что он с детьми своими в рабстве;
26 а вышний Иерусалим свободен: он — матерь всем нам.
27 Ибо написано: возвеселись, неплодная, нерождающая;
воскликни и возгласи, не мучившаяся родами;
потому что у оставленной гораздо более детей, нежели у имеющей мужа.
28 Мы, братия, дети обетования по Исааку.
29 Но, как тогда рожденный по плоти гнал рожденного по духу, так и ныне.
30 Что же говорит Писание?
Изгони рабу и сына ее, ибо сын рабы не будет наследником вместе с сыном свободной.
31 Итак, братия, мы дети не рабы, но свободной.