Тексты
Вернуться к списку | редактировать | удалить | Создать новый | История изменений | Статистика | ? Помощь
Nikolai Filatov. Rahvahan viizahuttu
Nikolai Filatov
Rahvahan viizahuttu
карельский: ливвиковское наречие
Новописьменный ливвиковский
TÄS
OLLAH KARJALAZES RAHVAHAS KUULTUT SANONDAT
Iččie ei sua kiittiä – miero hinnan panou .
Rahvas vallatoi , ku kirves varretoi .
On ku kulun muan astavu : ei sua vediä , eigo tungie .
Häi vie ei ole märgiä kažii korvendannuh .
Sinun täh en rubie kävelemäh aijan varaččulois alači .
Kävele piä vembeles .
Päčin očču – emändän oblikku .
Lähtet mieroh – ole ristikanzannu : käväle kahtel jallal , älä nellänkynzin , älä kärzäl turvehtu puske .
Pattii počči ainos on nälläs : konzugo on mua kylmy , konzugo kärzy kibei .
Nälgy pereheh lopun tuou .
Hebogi öntästeleh , hos sil on nelli jalgua .
Hevon higeh da akan itkuh ei pie kaččuo .
Tedren kiimah da ahvenen kuduh vaiku pattii ei kergie …
Paha kello loitos kuuluu .
Kondii on vägevy , ga mužikku sen tal’l’al maguau .
Jänöin nahkal on tagapuoli paikattu .
Yhtes poijas ei ole poigua , kahtes – puoli poigua , vaiku kolmes poijas roih poigu .
Opasta lastu kuni poikki lauččua syndyy , parduvunnuttu on jo myöhä opastua .
Peldo huoleh vastuau .Peldo olis ku hyvin katettu tila : laijat alembi keskikravattii , a pellon piendaret alembi kynnöitysty .
Otandal et suita et ku piendäl suittane .
Kyläs vai akku kohenou , no silgi taba pahenou .
Velgah otat vierastu , a vellat pidäy maksua omil den’goil .
Pitkän peitoksen hiiri syöy .
Yhten pun’uzen täh kuoppua ei avata .
Pihku rokkah meni , hämähäkki taiginah .
Midäbo hörčiä nostelet vai himoittau niškutalkunat suaha ?
Ni matil , ni malitul .
Olgah piha heinälleh , stola leivälleh .
Syötä koirua puričukse .
Potkuas hebo , ga kenbo jallan nostau .
Sie mies pyöröžän piäl ei polle .
Hänel ainos abei on sula .
Päivy ku ei syöttäne – yö ei syötä .
Sanottu ku sivottu .
Rahvahan viizahuttu
карельский: ливвиковское наречие
Новописьменный ливвиковский