Тексты
Вернуться к списку | редактировать | удалить | Создать новый | История изменений | Статистика | ? Помощь
Agari ta Sarra
Agari ta Sarra
карельский: собственно карельское наречие
Новописьменный севернокарельский
21 Työ
, kumpaset tahotta elyä Sakonan mukah , šanokkua miula : kuulettako , mitä Sakona šanou ?
22Onhan Pyhissä Kirjutukšissa šanottu , jotta Aprahamilla oli kakši poikua . Enšimmäisen pojan šai orjanaini Agari . Toisen pojan šai omavaltani naini Sarra .
23 Orjan poika šynty niin kuin kaikki muut ihmiset , a omavaltasen poika šentäh kun Jumala oli luvannun .
24Täššä on peitetty merkityš .
Agari , kumpasen lapšet šynnyttih orjiksi , juohattau Sinain vuaralla luajittuh šopimukšeh .25Agari merkiččöy Sinain vuarua Aravijašša , ta šen vaštineh on nykyni Jerusalimi , šentäh kun Jerusalimi omine lapšineh eläy Sakonan orjana .
26 A Sarra juohattau taivahalliseh Jerusalimih , kumpani on omavaltani , ta še on miän kaikkien muamo .
27Onhan Pyhissä Kirjutukšissa šanottu : – Pie iluo , šie , kumpani et voi šuaha lašta ta et ole konšana šynnyttän !
Pie iluo ta karjahtele , šie , kumpani et tiijä šynnytyšvaivoja !Niätšen miehen jättämällä naisella on äijän lapšie , enämmän mitä šillä , kumpani on miehellä .
28 Vellet , myö olemma lupaukšen lapšie , niin kuin Sarran poika , Issakka , oli .
29 Kuitenki niin kuin šilloin ihmisen tahošta šyntynyt poika ajeli Henken voimašta šyntynyttä poikua , niin on nytki .
30 A mitäpä Pyhät Kirjutukšet šanotah ?
Ne šanotah näin : "Aja pois orjanaini ta hänen poika , šentäh kun orjanaisen poika ei šua perie tuattoh hyvysie yheššä omavaltasen naisen pojan kera ".
31 Myö še , vellet , emmä ole Sakonan orjie , vain olemma lupaukšen voimašta šyntynehie Jumalan lapšie .
5
1 Myö emmä ole enämpi orjie , šentäh kun Hristossa anto meilä oman vallan . Šentäh pisykkyä lujina , elkyä antakkua uuvveštah šituo iččienä orjan riimuloih .
Agari ta Sarra
карельский: собственно карельское наречие
Новописьменный севернокарельский
1
Послание ап. Павла к Галатам. 4:21-31 - 5:1
русский
1